Edda Falak, fjármálafræðingur og hlaðvarpsþáttastjórnandi, varð vitni að fallegu augnabliki þegar hún átti leið um Smáralind í gær.
Edda greinir frá þessu á Twitter-síðu sinni og segir:
„Varð vitni að svo fallegu momenti í Smáralind áðan þegar sirka 15 ára strákur stóð upp fyrir vinkonu sinni þegar vinir hennar voru að kalla hana druslu í “gríni”. Hann sagði: „Dudes kommon, svo lame að drusluskamma”. Vona að þau byrji saman.“
Edda, sem hefur gert sig gildandi í umræðunni um karlmennsku undanfarin misseri, er svo spurð að því hvort virkilega þurfi að ýta undir að strákur og stelpa, sem eiga í heilbrigðu vinasambandi, þurfi endilega að byrja saman. Því svarar Edda svona:
„Góð ábending. Þau voru eitthvað að kyssast þarna seinna, kannski voru þau saman, kannski voru þau að deita…ég bara veit það ekki.. ég bara hélt með þeim.“
Varð vitni að svo fallegu momenti í Smáralind áðan þegar sirka 15 ára strákur stóð upp fyrir vinkonu sinni þegar vinir hennar voru að kalla hana druslu i “gríni”. Hann sagði: “dudes kommon, svo lame a drusluskamma”. Vona að þau byrji saman
— Edda Falak (@eddafalak) August 22, 2021
