Margir eru uggandi yfir meintum byrlara – eða byrlurum – sem ganga lausir í íslensku skemmtanalífi. Birgitta Líf Björnsdóttir, eigandi Bankastræti club, kveðst hafa séð byrlun með eigin augum en þrátt fyrir það sé erfitt að ná utan um faraldurinn og gerendurna.
Netheimar loga í umræðum um byrlanir og ljóst er að mörgum hafi verið byrlað eða þekki til einhverra sem hefur verið byrlað. Gríðarlegt ákall er um að byrlanir verði skilgreindar sem árás eða ofbeldisbrot.
Áhrifavaldurinn og hlaðvarpsstjarnan Edda Falak spáir fyrir um viðbrögð byrlarans á Twitter. Hún segir að þau verði í nokkrum skrefum:
„Jæja ætli byrlarinn fari ekki að gefa út yfirlýsingu, fái sér lögfræðing, krefjist þess að fara í skýrslutöku og skrifi síðan pistil um útilokunarmenningu og nornaveiðar,“ segir Edda.
Kristín nokkur svarar Eddu og segir: „Jújú og fer svo í grátþrungið dramaviðtal við Mannlíf þar sem hann segist aðeins hafa gert mistök og það eigi ekki að eyðileggja framtíð hans.“
Þá segir einn Twitter notandi: Svo skrifar einhver kall skoðanapistillinn „ég er byrlarinn.““
Jæja ætli byrlarinn fari ekki að gefa út yfirlýsingu, fái sér lögfræðing, krefjist þess að fara í skýrslutöku og skrifi síðan pistil um útilokunarmenningu og nornaveiðar
— Edda Falak (@eddafalak) October 25, 2021
