Svo virðist sem dýraníðingur sé á ferð í Bústaðahverfi ef marka má færslu sem Atli Sævarsson setti inn í Facebook-hóp fyrir íbúa í hverfi 108 í Reykjavík í gærkvöldi.
„Dýraníðingurinn í Heiðargerði er aftur farinn á kreik,“ segir Atli í færslunni en Fréttablaðið fjallaði um málið í gærkvöldi.
„Þann 15. júní í fyrra var eitrað fyrir kettinum okkar með þeim afleiðingum að við þurftum að svæfa hana,“ segir Atli og bætir við að fjölskyldan sé að ganga í gegnum það sama aftur – nánast nákvæmlega ári síðar.
Segir Atli að svæfa hafi þurft heimilisköttinn Slaufu sem var „gríðarlega þjáð vegna eitrunar“.
„Börnin eru lömuð af sorg enn eina ferðina og enn eitt dýrið fær að upplifa þennan gríðarlega kvalafulla dauðdaga,“ segir Atli sem hvetur íbúa hverfisins til að hafa augun opin fyrir grunsamlegum matarleifum.
„Ef einhver hefur ábendingar um hver gæti verið hér að verki þa yrði ég gríðarlega þakklátur að haft yfir samband við við mig.“
