Dulin skila­boð Guð­mundar vekja at­hygli – Eyddi færslu þar sem talað var um hálf­vita

Dulin skila­boð Guð­mundar Þ. Guð­munds­sonar fyrrum lands­liðs­þjálfara í hand­bolta á Face­book vekja at­hygli. Færslan sem Guð­mundur birti stóð þó ekki lengi og var eytt. Þetta kemur fram á í­þrótta­vef Frétta­blaðsins.

Það er hand­bolta­sér­fræðingurinn, Arnar Daði Arnar­son sem fjallar um málið á Twitter. „Hvernig á maður að lesa í þessi orð sem Gummi Gumm lét frá sér tíma­bundið á Face­book síðu sína í gær­kvöldi. PS. Hættum að tala um sam­eigin­lega á­kvörðun HSÍ og GÞG," skrifar Arnar.

Arnar er einn þeirra sem segir aug­ljóst að Guð­mundur hafi verið rekinn úr starfi frekar en að um sam­eigin­lega á­kvörðun hafi verið að ræða.

Á myndinni sem Guð­mundur birti á Face­book síðu sinni er texti á þýsku en ef hann er þýddur þá hljómar hann svona. „Stærsta á­stæða streitu er dag­legt sam­band við hálf­vita," birtist þessi færsla Guð­mundar skömmu eftir til­kynningu um að hann væri hættur.

Guð­mundur var búinn að stýra liðinu í fimm ár í þetta skiptið en þetta var í þriðja sinn sem hann stýrði karla­lands­liðinu í hand­bolta.Ís­lenska liðið lék 64 leiki á þessum fimm árum og vann 33 þeirra eða 51 prósent allra leikja. Þremur leikjum lauk með jafn­tefli og 28 sinnum tapaði Ís­land leiknum.

Hvernig á maður að lesa í þessi orð sem Gummi Gumm lét frá sér tímabundið á Facebook síðu sína í gærkvöldi.
PS. Hættum að tala um sameiginlega ákvörðun HSÍ og GÞG. pic.twitter.com/LGAWKE2zZS

— Arnar Daði (@arnardadi) February 22, 2023

Arnar er ítrekað spurður um hvað Gummi sagði undir færsluna en ekki virðast átta sig á að Gummi deildi myndinni af Einstein sem Arnar deilir.