Dular­fullt mál á Land­spítalanum: „Við kom­um al­veg af fjöll­um þegar við sáum á­sak­an­ir þessa heim­il­is­­lækn­is“

Mis­tök uðru til þess að læknir frá Palestínu sem lést árið 2011 var skrifaður fyrir til­vísun á blóð­rann­sókn frá fyrir­tækinu Green­fit sem sér­hæfir sig í heilsu­fars­mælingum.

Þetta kemur fram í Morgun­blaðinu í dag en Green­fit er heilsu­bætandi fyrir­tæki sem hefur það að leiðar­ljósi að að­stoða fólk við að bæta heilsuna á varan­legan hátt.

„Við kom­um al­veg af fjöll­um þegar við sáum á­sak­an­ir þessa heim­il­is­­lækn­is sem sendi þessa at­huga­­semd inn og við brugðumst skjótt við og rökt­um málið,“ seg­ir Lukka Páls­dótt­ir, ann­ar af tveim­ur eig­end­um Green­fit í sam­tali við Morgun­blaðið.

„Það hafa aldrei verið gerðar til­­vís­an­ir frá Green­fit í nafni nokk­urra annarra en okk­ar og við erum bara sprell­lif­andi,“ seg­ir Lukka.

Að hennar sögn er það Sam­eind, blóð­rann­sókna­fyrir­tækið sem fram­kvæmir blóð­mælingar fyrir Green­fit. Að því sem hún best veit sendi fyrir­tækið réttar upp­lýsingar um blóð­rann­sóknina í heilsu­gátt spítalans.

Að öllum líkindum hefur kóði, sem geymir upp­lýsingar um hvern lækni verið klipptur í sundur og þannig komið fram gamalt lækna­númer hjá látnum lækni. Í Morgun­blaðinu segir Lukka að það hefði verið eðli­legt að hafa sam­band við þau en spítalinn er spítalinn sé búinn að biðjast af­sökunar á mis­tökunum og sé jafn­framt búinn að til­kynna land­lækni hvernig málinu lauk.

Hægt er að lesa meira um þetta dular­fulla mál í Morgun­blaðinu í dag.