Danskur vinur Hauks: Stór­slys ef Ís­lendingar reisa vind­myllu­garð

„Danskur góð­vinur minn hefur í tugi ára unnið hjá stærsta vind­myllu­fram­leiðanda Dan­merkur og hefur hann bent mér á nokkur af­gerandi at­riði varðandi þessi á­form og telur að hér sé um stór­slys að ræða ef af fram­kvæmd verður,“ segir Haukur R. Hauks­son, fyrr­verandi fram­halds­skóla­kennari, í að­sendri grein í Morgun­blaðinu í dag.

Um­ræðan um vind­myllu­garð á Mel­rakka­sléttu hefur skotið reglu­lega upp kollinum undan­farin misseri. Haukur vísar í grein sem birtist í Morgun­blaðinu í októ­ber síðast­liðnum um að franska fyrir­tækið Qu­air hefði á­form um að setja upp allt að 34 vind­myllur á 33 fer­kíló­metra svæði.

Haukur lýsir yfir miklum efa­semdum um þetta og bendir á að Mel­rakka­slétta sé skil­greind sem mikil­vægt fugla­svæði.

„Turnarnir yrðu um 119 metra háir og spaðarnir 162 metrar í þver­mál og fari hæst í 200 metra hæð frá jörðu eða þre­falda hæð Hall­gríms­kirkju­turns í Reykja­vík. Þetta truflar ekki neinn, segja þeir. Það var og,“ segir Haukur og vísar í vin sinn sem starfaði hjá stærsta vinnu­fram­leið­enda Dan­merkur.

„Bjó hann hér á landi um ára­bil og upp­lifði ís­lenska náttúru og veður­far. Í fyrsta lagi sé veðr­áttan hér vanda­mál. Enda­laus veðra­brigði, oft innan eins sólar­hrings, s.s. mis­munandi vind­styrkur og vind­átt, snjór, frost, þýða o.s.frv.. Sí­fellt þarf að breyta stöðunni á spöðunum sem munu ekki þola þetta til lengdar að hans á­liti. Í öðru lagi er fugla­dauði mikið vanda­mál. Franska fyrir­tækið segir fugla­lífið vera á­skorun.“

Haukur segir að spaðarnir séu það orðnir það stórir að þeir ná yfir flug­hæð flestra fugla. Í þoku, dimm­viðri og birtu­skiptum sem eru mikil hér á landi glampi oft á spaðana.

„Fuglar á flugi halda að þarna sé út­göngu­leið á bjartara svæði og taka stefnuna á myllurnar. Þó svo fugl nái að sleppa fram hjá fremstu myllunni tekur við heill skógur af vind­myllum, sem virkar sem hakka­vél. Hér á Ís­landi er ó­venju­mikið um far­fugla, sem æfa marg­oft odda­flug með ung­viðinu til undir­búnings fyrir lang­flug. Lands­lag og veðr­átta á Ís­landi er sér á parti. Stutt í sjó, vötn, dali, fjöll o.s.frv. og því fuglar mikið á ferðinni.“

Haukur spyr svo að lokum fyrir hvern hugsan­legur vind­myllu­garður yrði.

„Sjón­mengun, verð­fall stórra land­svæða, há­vaði og dauði þúsunda fugla. At­hugið að myllurnar ganga stans­laust allan sólar­hringinn. Við þurfum að kaupa raf­magnið af Qu­air næstu ára­tugina sam­kvæmt nú­verandi reglum, þó svo við hefðum engin not fyrir það. Í öllu falli er þessi fram­kvæmd ekki í þágu náttúru og dýra­lífs.“