Dag­ný Brynjars lætur KSÍ heyra það: „Litlu hlutirnir í þessari blessuðu bar­áttu alla daga“

Dag­ný Brynjars­dóttir, lands­liðs­kona í knatt­spyrnu, lætur KSÍ heyra það á Insta­gram í dag.

Hún gagn­rýnir þar vinnu­brögð Knatt­spyrnu­sam­bandsins en Aron Aron Ein­ar Gunn­ars­­son, fyr­ir­liði ís­­lenska karla­lands­liðsins, lék í dag sinn 100. A-lands­­leik í dag gegn Sádi Arabíu.

Knatt­spyrnu­sam­bandið gaf Aroni Einari treyju í gjöf með tölunni 100 á.

„Birk­ir Bjarna fékk treyju eft­ir sinn leik í sept­em­ber 2021,“ skrifar Dag­ný á Insta­gram.

„Aron Ein­ar fékk treyju eft­ir sinn leik í dag. Við Gló­­dís Perla [Viggós­dótt­ir] erum enn­þá að bíða eft­ir okk­ar 100 leikja treyju síðan í apríl! Litlu hlut­irn­ir í þess­ari blessuðu bar­áttu alla daga,“ bætir Dag­ný við.

Dag­ný og Gló­dís Perla léku báðar sinn 100. lands­­leik gegn Hvíta-Rúss­landi hinn 7. apríl í undan­­keppni HM 2023 í Bel­grad í Serbíu. En hafa enn ekki verið heiðraðar fyrir af­rek sín.