Dæmdur til að borga konunni 200 þúsund krónur eftir að hann greip um brjóst hennar

Héraðs­dómur Vest­fjarða hefur dæmt karl­mann í þriggja mánaða skil­orðs­bundið fangelsi og til greiðslu 200 þúsund króna miska­bóta eftir kyn­ferðis­lega á­reitni á skemmti­stað á Ísa­firði að­fara­nótt 1. mars síðast­liðinn.

Maðurinn var á­kærður fyrir að grípa tvisvar utan­klæða um vinstra brjóst konunnar inni á skemmti­staðnum.

Maðurinn játaði sök fyrir dómi en konan gerði kröfu um miska­bætur að fjár­hæð 1,5 milljónir króna.

Maðurinn var dæmdur í 30 daga skil­orðs­bundið fangelsi árið 2019 fyrir blygðunar­semis­brot, en með broti sínu í mars síðast­liðnum rauf hann skil­orð þess dóms.

Dómari mat það svo að hæfi­legar miska­bætur væru 200 þúsund krónur, en auk þess þarf maðurinn að greiða sakar­kostnað málsins, sam­tals 388 þúsund krónur. Fangelsis­dómurinn yfir manninum er skil­orðs­bundinn til tveggja ára.