Tómas A Tómasson, þingmaður Flokks fólksins, birtir SMS samskipti á milli sín og ónefnds aðila þar sem lítur út fyrir að rædd séu vændiskaup.
„Kæru twitter vinir þetta skjáskot er að fara að birtast i fjölmiðlum,“ skrifar Tómas með skjáskotinu á samfélagsmiðlinum.
„Vil taka fram að ég var ólofaður og ógiftur þegar þetta átti sér stað en svona er lifið engin veit sína æfi fyrr en öll er.“
Í samskiptunum ræðir Tómas vændiskaup í Bangkok í Tælandi. Vísir ræðir við Tómas vegna málsins og þar þvertekur hann fyrir um að hafa keypt vændi.
„Auðvitað hefði ég kosið að þetta væri ekki í dreifingu, ég get ekki sagt annað,“ segir Tómas við Vísi.
„Eins og ég sagði við þig, ég hef boðið konu út að borða og það hefur endað með kynlífi. Ef það er að borga fyrir kynlíf, þá, ja, hvað á ég að segja við þig? Er það að borga fyrir kynlíf?“
Kæru twitter vinir þetta skjáskot er að fara að birtast i fjölmiðlum vil taka fram að ég var ólofaður og ógiftur þegar þetta átti sér stað en svona er lifið engin veit sína æfi fyrr en öll er pic.twitter.com/1jFEwN40Jz
— Tómas A Tómasson (@a_tomasson) April 28, 2022
