Bubbi veltir fyrir sér hvort hann eigi að „þora“ að spila blús aftur

Bubbi Morthens, eins ást­sælasti tón­listar­maður þjóðarinnar, veltir því upp á Face­book hvort hann eigi að „þora“ að spila blús aftur.

„Ætli maður þori að spila blús framar ef maður skildi móðga ein­hvern,“ skrifar Bubbi á Face­book.

Ekki er ná­kvæm­lega vitað hvað hann eigi við en það má ætla að hann sé að skrifa þetta í sam­hengi við sýningu Ís­lensku óperunar á Madame Butter­fly. Sýningin hefur verið sökuð um menningar­nám þar sem hvítt fólk leikur asíu­búa.

Rit­höfundurinn Hall­grímur Helga­son segir við Bubba að „Hvítingja­blús“ sé samt hræði­leg tón­list

Bubbi svara því neitandi um hæl: „Nei en hann hefur annað nafn sem er kántrí, Bólu Hjálmar er einn sá rosa­legasti blús­maður sem sögur fara af hvítir menn hafa margir náð að túlka sárs­aukann feikna vel.“

Hjálmar Hjálmars­son sem hefur meðal annars leikið Bubba í ára­móta­skaupinu segir að „Ís­bjarna­blús sleppur“ .. heldur hann.

Guð­mundur Andri Thors­son leggur einnig orð í belg og segir: „Ég er alltaf að bíða eftir því að þú gerir blús­plötu. Þú með gítarinn. Ég er með stórt blússafn á Spoti­fy. Þar eru bara tveir hvítir blús­söngvarar. Þú ert annar þeirra.“