Tónlistarmaðurinn Bubbi Morthens er ef til vill þekktur fyrir flest annað en jólalög. Hann stígur nú fram á Twitter og hristir beinlínis hausinn yfir jólalagablæti okkar Íslendinga.
„Hvað gerðist með okkur og jólalagageðveikina? Hversu mikið er hægt að blóðrunka jólalagaspilun í útvarpi 24-7 fram að aðfangadag. Þegar klukkan er 12 á hádegi 7. des er aldan orðin svo stór að maður er komin með jólalög í lungun. Annars góður,“ segir Bubbi á Twitter.
Þetta er ekki í fyrsta skipti sem Bubbi tjáir sig um mikla ást Íslendinga á jólalögum og öðru sem við kemur þessari hátíð ljóss og friðar. Í viðtali við RÚV árið 2016 sagði hann að Íslendingar væru orðnir heimsmeistarar í „jólarunki“.
„Þetta er jólarunk, þetta er orðið bara geggjun eins og fótanuddtækin á sínum tíma. En svona er þetta, allir vilja græða á jólunum,“ sagði hann.
Hvað gerðist með okkur og jóla laga geðveikina hversu mikið er hægt að blóð runka jólalagaspilun í útvarpi 24- 7 fram að aðfangadag þegar kl er 12 á hádeigi 7 des er aldan orðin svo stór að maður er komin með jólaög í lungun annars góður😂😆🎸
— Bubbi Morthens (@BubbiMorthens) December 7, 2021
