Brynjari bannað að tjá sig: „Hafir þú ekkert fal­legt að segja skaltu þegja“

„Nú hef ég verið settur í tíma­bundið tjáningar­bann, sem tekur gildi á mið­nætti, og er bannið sett á grund­velli þeirrar reglu að hafir þú ekkert fal­legt og gott að segja, skaltu þegja.“

Þetta segir Brynjar Níels­son, þing­maður Sjálf­stæðis­flokksins, í færslu á Face­book-síðu sinni.

Brynjar hefur staðið í ströngu að undan­förnu og skipst á nokkrum vel völdum orðum við þing­menn stjórnar­and­stöðunnar, þá einna helst þing­menn Pírata. Hefur sumum þótt Brynjar vera full nei­kvæður. Í færslu í fyrra­dag skaut hann til dæmis fast á stjórnar­and­stöðuna vegna upp­hlaupsins sem varð þegar Stein­grímur J. Sig­fús­son sleit þing­fundi í vikunni.

„Og að þessar frekju­dósir skuli halda, að um­mæli og dylgjur af þessu tagi um for­seta og and­stæðinga, ganga um þing­salinn skó­laus í lörfum og tala niður land og þjóð við hvert tæki­færi, sé til þess fallið að auka virðingu þingsins,“ sagði Brynjar meðal annars.

Brynjar segir að tjáningar­bannið, sem sett er af „sótt­varna­lækni heimilisins“ taki gildi á mið­nætti. Það hafi einnig haft á­hrif á skipunina að núna væri ekki rétti tíminn til að vera með leiðindi og skapa úlf­úð enda þjóðin í miðjum far­aldri Co­vid-19.

Þessi á­kvörðun Brynjars hefur vakið mis­jöfn við­brögð en for­vitni­legt verður að sjá hversu lengi hann getur haldið sig frá Face­book.