Brynjar Níelsson, aðstoðarmaður dómsmálaráðherra, segir að það hafi ekki komi sér á óvart að Twitter færi á hliðina yfir eðlilegum vangaveltum Andrésar Jónssonar um að rýmka heimildir ungmenna á vinnumarkaði.
„Tillaga: Rýmkum heimildir krakka á aldrinum 12-18 ára til að vinna.
- Það vantar fólk í verslun, veitingar og þjónustu.
- Þau og foreldrar þeirra myndu gjarnan vilja fá létta sumarvinnu fyrir þau.
- Verndun táninga frá því að þurfa/mega vinna hefur gengið aðeins of langt,“ skrifaði Andrés á Twitter.
Tillagna mætti miklu mótlæti á Twitter og var Andrésmeðal annars sakaður um að styðja barnaþrælkun.
„Þar mátti sjá menn frussa út úr sér í fullkomnu ójafnvægi að börn ættu að vera frjáls frá vinnumarkaði eins og það væri göfug gildi og manngæska. Skein í gegn andúðin á vinnu og vinnumarkaði, sem litið er á sem þrælkun eða eitthvað sem tilheyrir fortíðinni,“ skrifar Brynjar.
„Það er hluti af lærdóms- og þroskaferli hvers og eins ungmennis að vera í vinnuréttarsambandi. Skynja að réttindum fylgir skylda og það er ekki alltaf hægt að fá allt fyrir ekki neitt. Það er ekki gamaldags hugsun þótt Tvitter fólkið segi það, heldur klassískur sannleikur. Ef ungmenni geta verið 7 tíma á dag í skólastofunni, jafnvel leið og kvíðin, geta þau verið hluta úr degi á vinnumarkaði í sumar-jóla og páskafríum. Auðvitað þarf að hafa mörk í þessu eins og öðru og ástæðulaust er að gera lítið úr mikilvægi tómstunda og hvíldar,“ bætir hann við.
