Brynjar segir ekkert að marka spillingar­mælingar vegna Þorvaldar

Al­þingis­maðurinn Brynjar Níels­son skýtur föstum skotum að Þor­valdi Gylfa­syni hag­fræðings og segir lítið að marka niður­stöður Tran­s­paren­cy International um aukna spillingu á Ís­landi, byggi sam­tökin niður­stöður á á­lyktunum Þor­valdar.

Þetta kemur fram í grein Brynjars á Vísi.is.Þar gerir Brynjar niður­stöðu sam­takanna skil en líkt og greint var frá í janúar hefur staða Ís­lands farið versnandi síðustu ár. Er landið nú í 17. sæti á ár­legum lista sam­takanna, sem mæla spillingu í flestum ríkjum hems.

Eins og al­þjóð veit hefur Sjálf­stæðis­flokkurinn og Þor­valdur Gylfa­son eldað grátt silfur saman í þó nokkurn tíma. Það vakti mikla at­hygli í fyrra þegar fjár­mála­ráðu­neytið, að fyrir­skipan Bjarna, kom í veg fyrir skipan Þor­valdar í rit­stjóra­stól sam­nor­ræna fræða­tíma­ritsins Nor­dic Economic Poli­cy Revi­ew.

Í til­kynningu frá sam­tökunum sagði að mælingin nái til spillingar í opin­bera geiranum og bygg­ist á á­liti sér­­­fræð­inga og aðila í við­­skipta­líf­inu.

Löndin raðast á listann þannig að 100 stig þýða að spilling sé lítil og eru Danir í efsta sæti, með átta­tíu og átta stig. Þar á eftir koma lönd á borð við Finn­land og Sví­þjóð og Norð­menn lenda í sjöunda sæti. Ís­land kemur hins­vegar verst út af Norður­löndunum og fær 75 stig fyrir árið 2020 en hafði fengið 78 stig árið á undan.

Segir niður­stöðuna ekki standast neina skoðun

„Þar sem þessi mæling og þróun á spillingar­vísi­tölu Ís­lands stenst aug­ljós­lega enga skoðun vaknaði á­hugi minn á því hverjir stæðu að baki Ís­lands­deild Tran­s­paren­cy International, sem kallar sig Gagn­sæi, og hverjir mæli þessa spillingu og hvernig,“ skrifar Brynjar.

Ljóst er að honum þykir lítið til koma. Hann segist stuðnings­maður frjálsra fé­laga­sam­taka en segir að traust og trú­verðug­leiki sé for­senda þess að slík fé­laga­sam­tök fái þrifist.

„Ekki bætir úr skák að þessi frá­leita niður­staða á spillingar­vísi­tölu Ís­lands byggist á mati Þor­valdar Gylfa­sonar. Menn sem ólust upp í aftur­sæti ráð­herra­bif­reiðar og fengið allt upp í hendurnar án þess að þurfa að hafa fyrir nokkru og finnst að auki eðli­legt að klíku­bræður og vinir ráði því hverjir verði rit­stjórar hag­fræði­rits sem nor­rænu ríkin gefa út, eiga síst allra að mæla og meta spillingu hjá öðrum.“