Brynjar Níels­son segir engan skort á popúlistum: „Ein­kennandi fyrir þá er að stunda hvers kyns upp­hlaup til að skapa sundur­lyndi“

Brynjar Níels­son, þing­maður Sjálf­stæðis­flokksins, segir engan skort á stjórn­mála­mönnum á Ís­landi sem halda þeir séu rétt­látari og sann­gjarnari en aðrir.

„Þeir eru gjarnan mjög reiðir og of­stopinn skín í gegn. Ein­kennandi fyrir þá er að stunda hvers kyns upp­hlaup til að skapa sundur­lyndi og úlf­úð í sam­fé­laginu. Í þeim til­gangi eru upp­hrópanir al­gengar þar sem farið er frjáls­lega með sann­leikann svo ekki sé meira sagt. Sann­leikurinn má ekki koma í veg fyrir að rétt­lætið nái fram að ganga. Úti í hinum stóra heimi heitir þetta að vera popúlisti,“ skrifar Brynjar í færslu í dag.

„Stundum hefur það gerst að þessir rétt­lætis­riddarar hafa komist til valda, oftast með of­beldi en þó þekkt að það gerist með lýð­ræðis­legum hætti. Það hefur aldrei reynst vel þegar of­stækis­fólk með rétt­lætið að vopni kemst til valda. Of­stopinn og mann­fyrir­litningin verður alls­ráðandi,“ bætir Brynjar við og segir söguna alltaf endur­taka sig.

„Það þarf ekki mjög sögu­fróðann mann til að átta sig á því. En ein­hverra hluta vegna endur­tekur sagan sig alltaf með nýjum kyn­slóðum,“ skrifar Brynjar að lokum.