Brynjar jarðar Ís­lendingana á Twitter

Brynjar Níels­son, þing­maður Sjálf­stæðis­flokksins, hefur verið að þreifa fyrir sér á Twitter að undan­förnu. Ef marka má færslu Brynjars á Face­book gefur hann Ís­lendingunum sem þar láta gamminn geisa ekki beint háa ein­kunn.

„Að vísu kann ég ekkert á miðilinn, frekar en aðra miðla, en skynja að þar eru þeir á­berandi sem hafa talið sjálfum sér trú um að til­heyri frjáls­lyndum um­bóta­öflum. En þegar betur er að gáð eru þeir á­líka frjáls­lyndir og um­bóta­sinnaðir og gamlir vinstri rót­tæklingar, sem voru að eigin mati í stór­kost­legri frelsis­bar­áttu,“ segir hann.

Hann segir að miðað við það sem hann hefur séð séu margir þeirra sem nota Twitter illa haldnir af pólitískri rétt­hugsun – þetta fólk sé raunar alls­ráðandi.

„Því er stór­kost­lega mis­boðið ef önnur sjónar­mið eru reifuð og krefjast gjarnan ein­hverra viður­laga eða út­skúfunar. Það trúir einnig að það endur­spegli vilja þjóðarinnar, slík er sjálf­hverfan og það kallast lýð­ræðis­halli ef þeirra sjónar­mið verða ekki ofan á. Trúa einnig að þau séu upp­full af mann­úð og hafi ríkari rétt­lætis­kennd en aðrir. Þess vegna þarf ekki alltaf að fara að lögum til að ná mark­miðum. Heitir það borgara­leg ó­hlýðni,“ segir Brynjar sem endar færsluna á þessum orðum:

„En þetta er í raun þekkt upp­skrift af of­stækis­manninum, sem er stór­hættu­legur lýð­ræðinu, ef ein­hverjir skyldu vera búnir að gleyma henni.“