Brynjar hjólar í þá sem gagn­rýndu Jón: „Gamli björguna­sveitar­maðurinn sló frekjurnar út af laginu“

Brynjar Níels­son, að­stoðar­maður dóms­mála­ráð­herra, kemur Jóni Gunnars­syni dómsmálaráðherra til varnar í nýjum pistli á Face­book.

And­stæðingur Jóns kepptust við í gær að kvarta yfir því að hann hafi á­kveðið að taka að sér flótta­fjöl­skyldu frá Úkraínu. Drógu margir heill­indi Jóns í efa.

„Það er mikið til sama fólkið sem er alltaf svo reitt og mis­boðið á sam­fé­lags­miðlunum. Það trúir að þessi reiði og ó­lund sé vegna þess að það hafi svo ríka rétt­lætis­kennd. En það er ekki svo heldur er það sjálf­miðað og stíflað úr frekju. Þetta er gjarnan fólk úr mennta- og menningarelítunni sem þykist vera að berjast fyrir þá sem höllum fæti standa en er í raun bara illa haldið af öfund og frekju og með al­var­legt óþol gagn­vart skoðunum annarra,“ skrifar Brynjar.

„Nú gerðist það að gamli björguna­sveitar­maðurinn, Jón Gunnars­son, sló frekjurnar út af laginu með því að skjóta skjóls­húsi yfir vanda­laust fólk frá Úkraínu tíma­bundið fyrir vin sinn, sem var að hjálpa þessu fólki. Svo sem ekkert merki­legt eða frétt­næmt við það nema hvað frekju­liðinu var mis­boðið yfir þessu.“

„Þeir sem þekkja Jón vita að hann er bón­góður maður sem hefur ríka þörf fyrir að bjarga öðrum. Hann hefur lagt á sig ó­mælda vinnu ára­tugum saman við að bjarga og að­stoða fólk í hremmingum. Og líka þeim sem þarf ekki að bjarga og kemur fyrir að menn hafa þurft að bjarga sér á flótta undan björgunar­á­ráttu Jóns,“ skrifar Brynjar að lokum.