Brynjar hjólar í kollega sína á Al­þingi: „Þið megið geta í hvaða flokkum þeir eru“

Brynjar Níels­son, þing­maður Sjálf­stæðis­flokksins, vandar kollegum sínum á Al­þingi ekki kveðjurnar í nýjum pistli. Brynjar skrifar þar meðal annars um þings­á­lyktunar­til­lögu 19 þing­manna sem varðar að­gengi ein­stak­linga sem ferðast til Ís­lands að þungunar­rofi.

Sjá einnig: Inga Sæ­land sorg­mædd: „Með slíkum ó­líkindum að ég er nánast kjaft­stopp“

Inga Sæ­land, for­maður Flokksins, skrifaði um málið í Morgun­blaðið í dag þar sem hún lýsti hneykslun sinni. Brynjar tekur undir með Ingu en þó á ör­lítið öðrum for­sendum.

„Fjöl­breyti­leikinn í sýndar­mennsku þing­manna eykst jafnt og þétt þegar kosningar nálgast. Nú hafa 19 þing­menn, og þið megið geta í hvaða flokkum þeir eru, lagt fram þings­á­lyktunar­til­lögu um að ekki bara konur heldur ein­staklingar frá öðrum löndum fái gjald­frjálsa þjónustu til þungunar­rofs nú þegar þessir sömu þing­menn eru að sligast af á­hyggjum yfir að­stöðu­leysi og mönnunar­vanda í heil­brigðis­þjónustunni,“ segir Brynjar.

Brynjar segir að þarna komi skýr­lega fram við­horf þessara þing­manna til skatt­greið­enda.

„Þetta er ekki fólk sem stritar í sveita síns and­lits heldur tekju­stofn á hlað­borði stjórn­mála­manna. Nema þeir haldi að eitt­hvert evrópskt sjúkra­trygginga­kort sem svífi um jörðina greiði fyrir þjónustuna en ekki skatt­greið­endur,“ segir hann.

Rísa Björk Brynjólfs­dóttir, þing­kona utan flokka og fyrr­verandi þing­maður VG, er fyrsti flutnings­maður til­lögunnar en auk hennar standa þing­menn úr röðum Vinstri grænna, Sam­fylkingu, Við­reisn og Pírötum að henni. Nái til­lagan fram að ganga verður heil­brigðis­ráð­herra falið að ein­staklingar sem ferðast hingað til lands í því skyni að gangast undir þungunar­rof fái við­eig­andi heil­brigðis­þjónustu.

Þetta verði bundið því skil­yrði að við­komandi megi ekki gangast undir þungunar­rof vegna lög­bundinna hindrana í heima­landinu og upp­­­fylli skil­yrði í lögum um þungunar­rof. Þá þurfi við­komandi að geta fram­vísað evrópska sjúkra­­trygginga­kortinu.

„Mér skilst að þessi gjaf­mildi á fé annarra sé til­komin til að tryggja mann­réttindi fólks sem felast í því að ráða yfir eigin líkama, jafn­vel þótt það þurfi að eyða lífi annarra til að tryggja þessi mann­réttindi. Á sama tíma krefjast þessir sömu þing­menn að lög­reglan hund­elti full­ráða fólk sem stundar kyn­lífs­við­skipti og stingi því í steininn. Þessi mikil­væga mann­réttinda­regla að ráða yfir eigin líkama gildir greini­lega ekki um alla. Það er ein­hver lapsus í þessari rök­semda­færslu, sem eru ekki ný­mæli í ís­lenskri pólitík,“ segir Brynjar að lokum.