Brynjar brjálaður út í RÚV: „Þetta lítur út eins og hefnd sett í búning fréttar“

Brynjar Níels­son, þing­maður Sjálf­stæðis­flokksins, er afar ó­sáttur við um­fjöllum RÚV í gær um mál­efni Sam­herja.

Í gær var greint frá því að sex nú­verandi og fyrr­verandi starfs­menn Sam­herja hefðu réttar­stöðu sak­bornings í rann­sókn Héraðs­sak­sóknara á ætluðum mútum, peninga­þvætti og fleiri brotum sem tengjast Namibíu­starf­semi þess. Um­ræddir starfs­menn voru nafn- og mynd­birtir í um­fjölluninni.

Brynjar hefur áður tjáð sig um mál­efni Sam­herja og RÚV en í lok ágúst­mánaðar furðaði hann sig á við­brögðum fjöl­miðla­manna við mynd­böndum Sam­herja. Hann segir á Face­book-síðu sinni nú í há­deginu:

„Nú held ég að Ríkis­út­varpið, sem margir trúa að sé út­varp allra lands­manna, hafi slegið öll met í lág­kúru þegar í aðal­frétta­tíma voru upp­lýsingar um hverjir hafi réttar­stöðu sak­bornings í rann­sókn með mynd­birtingu sem snýr að starf­semi Sam­herja í Namibíu. Enginn annar fjöl­miðill hefur lagst svona lágt.“

Brynjar, sem er hæsta­réttar­lög­maður, bendir í færslu sinni á að við rann­sókn mála fái þeir sem veitt geta upp­lýsingar oftar en ekki réttar­stöðu sak­bornings sem veitir þeim mestu réttindin við rann­sóknina.

„Það er mjög þung­bært fyrir venju­legt fólk og starfs­menn fyrir­tækis sem er til rann­sóknar og upp­lýsingar og mynd­birting af þessu tagi er til þess fallið að valda við­komandi skaða. Þetta lítur út eins og hefnd sett í búning fréttar enda fréttin birt með þessum hætti deginum eftir kæru Sam­herja til siða­nefndar RUV,“ segir Brynjar sem furðar sig á málinu.

„Stundum er sagt að ríkis­út­varpið sé al­manna­út­varp í eigu allra lands­manna. Ég vil ekki eiga hlut í fé­lagi sem stundar svona vinnu­brögð og af­sala honum hér með og krefst ekki endur­gjalds. Vildi gjarnan að þeir sem fara með hlut al­mennings í þessu fé­lagi reyni að koma því til leiðar að því sé stjórnað svo ein­stakir starfs­menn geti ekki notað miðilinn eins og þeim sýnist í á­tökum við ein­stak­linga og fyrir­tæki úti í bæ.“