Brynjar Níelsson, aðstoðarmaður dómsmálaráðherra, telur Covid-heimildarmyndin Stormur sem RÚV sýnir á sunnudögum muni ekki eldast neitt sérstaklega vel.
„Mér hefur gengið afskaplega illa að horfa á heimildarmyndina um kovidtímann og þríeykið enda verður hún seint kölluð skemmtiefni þótt ég og frú Andersen erum í aukahlutverkum. Hún líkist líka meira sjónvarpsleikriti en heimildarmynd. Ég er ekki viss um að þessi mynd eldist vel og heldur ekki enn ljóst hver er mesti fávitinn í sögunni,“ skrifar Brynjar.
„Þrátt fyrir það myndi ég frekar horfa á Þórólf spila á bassa og fussa yfir því hvað aðrir eru vitlausir tuttugu kvöld í röð en að halda út að horfa á heila Óskarsverðlaunahátíð. Rauði dregillinn er hálfu verri en verðlaunahátíðin sjálf. Þetta er slík gerviveröld sjálfhverfar elítu sem er illa haldin af rétthugsun að venjulegu fólki verður bumbult. Þetta er eins og að horfa á Vikuna með Gísla Marteini í öðru veldi,“ bætir hann við.
„Ég finn til með sumu fólki að þurfa að vera á þessari hátíð, alveg eins og með sumum gestum Gísla Marteins. Þeir geta ekki sett hendur fyrir andlit og tappa í eyrun eins og við sem erum heima,“ skrifar Brynjar
