Brestir í sam­stöðunni? Már: Ekki rétti tíminn til að áfellast hvert annað

Már Kristjáns­son, yfir­læknir á smit­sjúk­dóma­deild Land­spítalans, kveðst ó­sáttur við þau um­mæli frá em­bætti land­læknis að rann­saka þurfi hóp­smit sem kom upp á Landa­kots­spítala.

Þetta segir Már í við­tali við Morgun­blaðið í dag.

Kjartan Hreinn Njáls­son, að­stoðar­maður land­læknis, sagði í sam­tali við mbl.is í gær að það ætti eftir að koma í ljós hvort hóp­smitið yrði til­kynnt sem al­var­legt at­vik. Rúm­lega 80 smit eru rakin til smits sem kom upp á Landa­koti á dögunum.

Már kveðst ó­á­nægður með þær fregnir að þetta sé at­vik sem þurfi að rann­saka. „Það gengur alveg gegn því sem sagt hefur verið um sam­stöðu í bar­áttunni við þennan far­aldur. Á far­sóttar­tímum er mikil­vægast að rekja smit – rakning er í­gildi rann­sóknar og rakning er tólið sem við höfum til að finna út hvað er á seyði.“

Kjartan Hreinn sagði í við­talinu við mbl.is í gær að ekki væri tíma­bært að hugsa um hugsan­lega rann­sókn. Ef málið yrði til­kynnt yrði kallað eftir gögnum og talað við starfs­fólk.

Már segir við Morgun­blaðið í dag að ekkert bendi til þess að eitt­hvað glæp­sam­legt hafi átt sér stað.

„Við erum í rauninni að reyna að rekja smitið eftir bestu getu en ekki að á­fellast hvert annað. Starfs­menn, sjúk­lingar og að­stand­endur þeirra þurfa ekki á þessum tíma­punkti að heyra af því að það sé verið að rann­saka þá eða að gefa í skyn ein­hverja van­rækslu af þeirra hálfu.“