Gunnar Ingvi Ingvarsson, fyrrum nemandi í Víðistaðaskóla steig fram í júlí og greindi frá einelti sem hann varð fyrir í skóla. Hann sagði kennara, sem hann taldi sig geta treyst, hafa smánað sig fyrir framan allan bekkinn. DV fjallar um málið.
Gunnar segir kennarann hafa fitusmánað hann fyrir framan bekkinn með því að biðja Gunnar um að segja upphátt hver líkamsþyngd hans væri. Kennarinn skrifaði síðan „Fat boy“ á töflu í kennslustofunni.
Gunnar furðar sig á því að ekkert hafi verið gert við atvikinu en hann segir það hafa fylgt honum lengi. Hann fékk „harðsoðna“ afsökunarbeiðni frá kennaranum eftir að hafa leitað til skólastjórnenda.
Á TikTok síðu Gunnars segir hann frá málinu, ásamt því að deila myndbandinu. Gunnar reyndi að fá viðbrögð kennarans með því að merkja hann við myndbandið en þá hafi kennarinn blokkað hann á samfélagsmiðlum.
Þá vonast Gunnar eftir því að skólastjóri og stjórnendur Víðistaðaskóla bæti viðbrögð sín í máli sem þessu og jafnvel taki á þessu tiltekna máli loks að festu.
Gunnar ræddi um málið í hlaðvarpsþættinum Eigin konur.
