Björn Steinbekk, athafnamaður og enn þekktasti drónaflugmaður landsins, birti stórkostlegt myndband af eldgosinu í Meradölum á Twitter-síðu sinni.
Björn sló rækilega í gegn með mögnuðum myndböndum af gosinu í Geldingadölum í fyrra og hann er að sjálfsögðu mættur aftur nú þegar gýs í Meradölum.
Myndbandið birti Björn á Twitter-síðu sinni í gær og þegar þetta er skrifað hafa hátt í 60 þúsund manns horft á það. Myndbandið sýnir gosið í nærmynd og sést nánast beint ofan í gíginn sem gýs upp úr. Fjölmargir hafa skrifað athugasemdir við myndbandið og eru útlendingar þar í miklum meirihluta.
Sjón er sögu ríkari en myndbandið má sjá hér að neðan:
These are some serious blows...#dji #DJIMavic3 #SharingIsCaring #iceland #volcano pic.twitter.com/NegGx4tPGR
— Bjorn Steinbekk (@BSteinbekk) August 7, 2022
