Björn Leví: „Við viljum lög­­reglu sem vinnur fyrir fólk en njósnar ekki um það“

Björn Leví Gunnars­son, þing­maður Pírata, tekur fyrir orð Vil­hjálms Árna­sonar, þing­manns Sjálf­stæðis­flokksins, úr Silfrinu frá því í morgun. „Borgara­leg réttindi eru ekki til staðar ef öryggi er ekki tryggt,“ sagði Vil­hjálmur í Silfrinu.

„Þetta er rétt. En hvernig tryggjum við öryggi?“ spyr Björn Leví.

„Hér er verið að bjóða upp á tvær lausnir. Annars vegar for­virkar rann­sóknar­heimildir lög­reglunnar þannig að hún geti fylgst með nokkurn vegin hverjum sem er, hvar sem er, án dóms­úr­skurðar. Þetta er lausn sem á að koma í veg fyrir brot áður en þau gerast,“ skrifar Björn Leví í færslu á Face­book.

Hann segir vanda­málið við þessa lausn vera að ó­öryggið verði alltaf til staðar og eina „vörnin“ er njósna­starf­semi lög­reglu „sem þarf ó­hjá­kvæmi­lega að ná til miklu fleiri en mögu­legra brota­aðila.

„Sögu­lega séð beinist slíkt eftir­lit einnig að jaðar­settum hópum en ekki gagn­vart þeim sem hafa vald í sam­fé­laginu - sem geta þá í kjöl­farið haldið á­fram "eðli­legu" lífi í virki for­virkra rann­sóknar­heimilda lög­reglunnar,“ skrifar Björn Leví.

„Höfum það ein­fald­lega á hreinu, yfir­grips­mikil njósna­starf­semi opin­berra vald­hafa hefur aldrei endað vel. Aldrei. Það hefur aldrei verið skað­laus starf­semi. Aldrei.“

Hinn mögu­leikinn sé að við spyrjum okkur af hverju sé ekki öryggi. „Er skipu­lögð glæpa­starf­semi að ógna öryggi al­mennra borgara? Af hverju? Er það kannski af því að þegar lög eru sett um að banna eitt eða annað þá er ekkert pælt í af­leiðingunum af því?“

Björn Leví segir þing­menn al­mennt vilja vel, þau sjái af­leiðingar slæmra hluta og vilja grípa til ein­falda lausna – að banna hluti.

„Það hlýtur að leysa vandann, er það ekki? Nei. Eins og sagan kennir okkur þá varð vandinn bara enn meiri, bæði á­fengis­vandinn sjálfur og skipu­lagða glæpa­starf­semin að auki.“

„Kannski er lausnin hérna frekar að horfa á or­sakir þess að öryggi er ógnað. Er það skipu­lögð glæpa­starf­semi? Hvernig væri að lög­leiða og reglu­væða frekar í staðinn fyrir að banna og refsa? Já, fólk er enn að selja landa (sem er ó­lög­legt) en það er langt frá því að vera á sama skala og skipu­lögð glæpa­starf­semi Al Ca­pone eða skyldra glæpa­sam­taka.“

„Við viljum lög­reglu sem vinnur fyrir fólk en njósnar ekki um það. Við viljum lög­reglu sem hjálpar fólki og rann­sakar þá sem ganga á borgara­réttindi okkar,“ segir Björn Leví.

Færsluna má lesa í heild sinni hér að neðan: