Björn Leví heldur á­fram: Níu fyrir­spurnir bara í dag

Björn Leví Gunnars­son, þing­maður Pírata, hefur lagt inn níu fyrir­spurnir á Al­þingi það sem af er degi. Það vakti at­hygli í gær þegar Brynjar Níels­son, þing­maður Sjálf­stæðis­flokksins, lagði inn fyrir­spurn á þinginu í gær.

Vildi Brynjar fá að vita hver kostnaður allra ráðu­neyta væri við skrif­leg svör við fyrir­spurnum. Þá vildi hann vita hlut Pírata í þessum fyrir­spurnum og hlut ein­stakra þing­manna Pírata. Björn Leví hefur verið dug­legur að senda inn fyrir­spurnir eins og Hring­braut greindi frá í gær. Þó Björn Leví væri ekki nefndur á nafn í fyrir­spurn Brynjars er hann sá þing­maður sem hefur verið langdug­legastur að óska eftir svörum við ýmsum spurningum.

Fyrir­spurnir Björns Leví í dag snúast um lög­bundin hlut­verk ráðu­neyta og stofnana; má þar nefna Orku­stofnunar, Sam­keppnis­eftir­litsins, Ný­sköpunar­sjóð at­vinnu­lífsins, Ný­sköpunar­mið­stöðvar Ís­lands, Neyt­enda­stofu, Hug­verka­stofu og Ferða­mála­stofu. Vill hann vita hvaða lög­bundnu hlut­verkum þessar stofnanir sinna og hver á­ætlaður heildar­kostnaður þessara lög­bundnu verk­efna er.

Í færslu á Face­book-síðu sinni í gær, eftir að fjöl­miðlar greindu frá fyrir­spurn Brynjars, sagði Björn Leví að kostnaður við fyrir­spurnir hans væru minna en ýmis klúður stjórn­valda. Þá væri kostnaðurinn án efa minni en á­góðinn af fyrir­spurnunum.

Í við­tali við RÚV í septem­ber í fyrra viður­­kenndi Björn Leví að ráð­herrar væru stundum pirraðir á fyrir­­­spurnar­­gleði hans. „Jú, pínu­lítið. Nú er held ég í utan­­­ríkis­ráðu­neytinu, og kannski ein­hverjum fleirum, farið að taka fram í lok fyrir­­­spurnar hversu langan tíma tók að svara fyrir­­­spurn, sem mér finnst bara mjög sniðugt,“ sagði Björn Leví.

Í Stak­steinum Morgun­blaðsins í dag er fjallað um fyrir­spurn Brynjars og um leið hnýtt í Björn Leví.

„Þing­menn Pírata, í mis­miklum mæli þó, virðast telja sig lítið annað erindi eiga á lög­gjafar­sam­komuna en að spyrja út í alla mögu­lega og ó­mögu­lega hluti, iðu­lega það sem hægt er að fletta upp í opin­berum gögnum. Full á­stæða er til að taka á þessum ósið, þó ekki væri nema til að freista þess að færa um­ræðuna á Al­þingi á ögn hærra plan. Sparnaður væri svo kær­kominn bónus.“