Fjórir eru nú á sjúkrahúsi með COVID-19 og þar af er einn á gjörgæsludeild. Þetta kemur fram í frétt á vef Viljans sem fjölmiðlamaðurinn Björn Ingi Hrafnsson heldur úti. Björn Ingi er höfundur bókarinnar Vörn gegn veiru.
„Þetta er því miður allt eftir bókinni. Nú fer hluti þeirra sem greindist fyrir viku eða svo, að veikjast alvarlega. Vonandi tekst hinu frábæra starfsfólki okkar á spítalanum að eiga við það sem framundan er, svo allir komist heilir aftur heim. Biðjum fyrir því,“ segir Björn Ingi í færslu á Facebook-síðu sinni hvar hann deilir frétt Viljans.
Björn ingi ræddi við þá Kára Stefánsson og Þórólf Guðnason um helgina. Sagði Þórólfur að það myndi ráðast um helgina hvort gripið yrði til harðari aðgerða til að hefta útbreiðslu veirunnar.
Þetta er því miður allt eftir bókinni. Nú fer hluti þeirra sem greindist fyrir viku eða svo, að veikjast alvarlega....
Posted by Björn Ingi Hrafnsson on Sunnudagur, 27. september 2020
