Fjölmiðlamaðurinn Björn Ingi Hrafnsson fagnaði því um liðna helgi að hafa verið edrú í 600 daga. Hann fer ekki ofan af því að sú ákvörðun að hætta að drekka sé sú besta sem hann hefur tekið.
„Allt gengið betur síðan. Mæli eindregið með þessu lífi, allt of margir „að sulla“ í Covid,“ sagði Björn Ingi í Facebook Story um helgina.
Í fyrrasumar, þegar Björn Ingi hafði verið edrú í eitt ár, sagði hann frá þeirri ákvörðun að hætta að drekka og þeim breytingum sem hafa orðið á lífi hans.
„Sá sem viðurkennir vanmátt sinn og leitar sér hjálpar hefur þurft að horfast í augu við sjálfan sig. Það er ekki alltaf auðvelt. Við erum öll breysk og vildum hafa gert margt á annan veg. Ég er þar engin undantekning. Það er mikill skóli að þurfa að horfast í augu við eigin bresti og reyna að bæta ráð sitt,“ sagði hann meðal annars.
