Björn brjálaður: „Hvers konar þjóð­fé­lagi búum við í?“ – Gjör­sam­lega galið

„Hvers konar þjóð­fé­lagi búum við í? Þegar sjálf­taka af fjár­munum al­mennings nær til þjóð­þingsins og foringja þar er fokið í flest skjól,“ segir Björn Birgis­son í Grinda­vík.

Björn er þekktur meðal Grind­víkinga enda liggur hann sjaldnast á skoðunum sínum. Í nýjum pistli sínum gerir hann að um­tals­efni sér­stakar greiðslur til þeirra formanna stjórn­mála­flokka sem ekki eru ráð­herrar.

„For­menn flokkanna fá 585.285 krónur auka­lega úr ríkis­sjóði fyrir það eitt að vera for­menn í sínum flokki. Samt eru þeir með stjórn flokksins með sér og starfs­menn sem meira og minna eru kostaðir af ríkinu! Svo eru þeir líka með að­stoðar­mann eða að­stoðar­menn kostaða af ríkinu! Þetta er gjör­sam­lega galið,“ segir Björn en þess má geta að Píratar þiggja ekki þessa greiðslu.

Björn bendir á að elli­líf­eyrir sé 286.800 krónur. „For­menn flokkanna fá tvö­faldan þann skammt mánaðar­lega og 71,685 krónur að auki! Þetta er sjálf­taka og sjálf­taka er ekkert annað en þjófnaður,“ segir hann og spyr síðan:

„Hvernig í ó­sköpunum á að bera virðingu fyrir fólki sem grefur gráðugar krumlurnar í sam­eigin­legan sjóð lands­manna mánaðar­lega með þessum hætti?“

Björn gagn­rýnir síðan stjórn­völd fyrir að ætla að skaffa stjórn­mála­flokkunum 728 milljónum króna úr ríkis­sjóði á næsta ári – sömu upp­hæð og í ár þrátt fyrir versnandi stöðu ríkis­sjóðs vegna CO­VID-19-far­aldursins.

„Enginn sparnaður eða niður­skurður til um­ræðu þar,“ segir Björn og bætir við að þar sem þing­menn eru 63 talsins megi segja að ríkið borgi flokkunum um 11,6 milljóna króna með­lag með hverjum þeirra á þessu ári og því næsta.

„Það er svo­lítið hærra með­lag en ein­stæðar mæður fá með hverju barni! Árið 2018, sem var fyrsta heila ár kjör­tíma­bilsins, fengu þeir 648 milljónir króna og árið 2019 hæsta fram­lag sitt frá upp­hafi, 744 milljónir króna,“ segir hann og bendir á að sam­tals renni því á þessu kjör­tíma­bili rúmir 2,8 milljarðar króna til stjórn­mála­flokkanna átta sem náðu inn á þing í kosningunum 2017.

„Fjár­mála­á­ætlun gerir svo ráð fyrir því að fram­lögin haldist ó­breytt árin 2022 og 2023 og verði 728,2 milljónir króna á hvoru þeirra, en full­víst má telja að sú tala hækki vegna aukinnar verð­bólgu. Þetta er eitt af því sem Al­þingi sker alls ekki niður!“