Björn Bjarna lætur Loga og Drífu éta um­mæli sín um Sam­herja: „Þetta var út í hött“

Björn Bjarna­son, fyrr­verandi dóms­mála­ráð­herra, lætur Loga Einars­son, for­mann Sam­fylkingarinnar, og Drífu Snæ­dal, for­seta ASÍ, heyra það vegna um­mæla sinna um Sam­herja nýjum pistli á vef­síðu sinni.

„Nú í vikunni að lokinni tveggja ára rann­sókn málsins hafa þessir Namibíu­menn og lög­fræðingur þeirra, bú­settur í Suður-Afríku, verið á­kærðir en enginn starfs­maður Sam­herja,“ skrifar Björn.

„Nú eru tæp tvö ár frá því að Kveikur, frétta­skýringa­þáttur ríkis­út­varpsins, vef­síðan Stundin og Wiki­Leaks fluttu fréttir um við­skipti Sam­herja í Namibíu. Við­skiptunum var lýst á þann veg í ríkis­sjón­varpinu að hlust­endur gátu ekki efast um að sekt Sam­herja­manna,“ bætir Björn við.

Hann segir að ákafinn í málinu ver mikill. „Strax klukkan 09.00 að morgni 13. nóvember 2019, morguninn eftir að Kveikur var sýndur, vildi frétta­stofa ríkis­út­varpsins fá það alveg á hreint í sam­tali við Loga Einars­son, for­mann Sam­fylkingarinnar, hvort að hann mundi ekki örugg­lega taka málið upp á al­þingi. Logi sagði þetta „stór­pólitískt mál“ sem yrði að ræða á al­þingi og hann bætti við:

„Þetta auð­vitað beinir sjónum að okkar kerfi og auð­lindum og mikil­vægi þess að við fáum auð­linda­á­kvæði í stjórnar­skrá. Við þorum að taka um­ræðuna um fisk­veiði­stjórnunar­kerfið okkar og um­gengni um aðrar auð­lindir. Það blasir við að þetta er stór­pólítískt mál í öllum skilningi þess orðs.“

„Svarið var út í hött. Þetta mál hefur aldrei snert stjórnar­skrá Ís­lands eða auð­linda­stjórn við Ís­land,“ skrifar Björn. „Það snýst um ó­lög­mæta með­ferð stjórn­mála­manna og em­bættis­manna í Namibíu á fé sem fé­lag í eigu Sam­herja greiddi til yfir­valda þar fyrir fisk­veiði­réttindi í lög­sögu landsins. Nú í vikunni að lokinni tveggja ára rann­sókn málsins hafa þessir Namibíu­menn og lög­fræðingur þeirra, bú­settur í Suður-Afríku, verið á­kærðir en enginn starfs­maður Sam­herja.“

Björn segir fjöl­miðla­menn fara of­fari þegar grun­semdir um af­brot eru lagðar á borðið sem sönnun þess að ein­hver hafi gerst brot­legur.

„ Hve oft skyldi orðið „á­kæra“ hafa verið rang­lega notuð í fréttum um þetta Fishrot-mál, eins og það heitir í Namibíu? Það er fyrst eftir rann­sókn lög­reglu og sak­sóknara sem sannanir um sekt verða til­efni á­kæru. Síðan er það dómara að taka af skarið um sekt eða sýknu. Mál­flutningur í Fishrot-málinu í Namibíu hefst 22. janúar 2020.“

„Hún sagði á Face­book að þarna hefði birst mynd af „heims­valda­sinnuðum, gráðugum arð­ræningjum sem einskis svífast. Körlum sem þykjast sam­fé­lags­lega á­byrgir hér á landi en gæti ekki verið meira sama um að­stæður þjóðar suður í Afríku. Körlum sem komu í kjöl­far vel heppnaðar þróunar­sam­vinnu og ryk­suguðu upp auð­lindir í eigin þágu, höguðu sér eins og sví­virði­legustu ný­lendu­herrar. Þróunar­sam­vinnunni var hætt vegna hrunsins sem varð ein­mitt vegna svona hegðunar. Ó­geðs­legt!“

Björn rifjar síðan upp eigin orð í tengslum við málið sem hann skrifaði í nóvember 2019.

„Fjöl­miðla­stormurinn er rétt að byrja og enginn veit enn hvern hann fellir. Síðast þegar Sam­herji og frétta­stofa ríkis­út­varpsins lentu í sam­bæri­legum á­tökum sigraði Sam­herji að lokum eftir margra ára stríð. Reynslan sýnir að rétt sé að spyrja að leiks­lokum.“