Björn Bjarna lætur gamla fé­laga sinn heyra það: „Móðgun við þá að dreifa slíkum lygum“

Björn Bjarna­­son, fyrr­verandi ráð­herra og þing­­maður Sjálf­­stæðis­­flokksins, er allt annað en sáttur með Morgun­blaðið eftir að blaðið birti grein sendi­herra Rúss­lands í dag. Hann kallar eftir því að ís­­lensk stjórn­völd reki sendi­herra Rúss­lands, Mik­hail Noskov, úr landi.

Á ráð­herra­tímum sínum var Björn afar hand­geginn Davíð Odd­syni, þá­verandi for­sætis­ráð­herra og nú­verandi rit­stjóra Morgun­blaðisins. Hann er hins vegar ekki sáttur með sinn gamla fé­laga í dag.

„Í kalda stríðinu hélt sovéska ríkis­stjórnin eða á­róðurs­deild sovéska kommún­ista­flokksins úti frétta­stofunni Novosti eða APN sem dreifði á­róðri á ís­lensku sem var fjöl­faldaður og rataði stundum inn í ís­lensk blöð. Voru ís­lenskir á­byrgðar­menn skráðir fyrir þessari starf­semi. Á það reyndi ekki hvort ís­lenska ríkið hefði fengið leyfi til að halda úti svipaðri á­róðurs­starf­semi í Sovét­ríkjunum,“ skrifar Björn á heima­síðu sinni.

„Nú á tímum er Rúss­land jafn­vel lokaðra land en Sovét­ríkin voru á sínum tíma og í nafni „sér­stakra að­gerða“ rúss­neska hersins í Úkraínu búa í­búar Rúss­lands við sí­fellt meiri harð­stjórn. Þá hafa opin­ber sam­skipti Rússa við önnur ríki breyst, nú síðast þriðju­daginn 21. febrúar.“

„Þann dag flutti Vla­dimir Pútin Rúss­lands­for­seti ekki að­eins hörku­lega stefnu­ræðu heldur breytti fyrir­mælum um mark­mið utan­ríkis­stefnu Rúss­lands. Í eldri fyrir­mælum sem Pútin gaf í maí 2012 var sagt að rækta bæri „sam­vinnu­tengsl“ við er­lend ríki á grund­velli „virðingar fyrir full­veldi ná­granna­landa“. Í nýju fyrir­mælunum er horfið frá öllum á­formum um sam­starf við Vestur­lönd og ekki er lengur minnst á virðingu fyrir full­veldi ná­granna­ríkja Rúss­lands. Nú er höfuð­mark­mið utan­ríkis­stefnu Rússa að gæta rúss­neskra „þjóðar­hags­muna“ eins og þeir eru skil­greindir af stjórn­völdum í Kreml í ljósi „djúp­stæðra breytinga í al­þjóða­sam­skiptum“.

Björn segir að í vikunni birti utan­ríkis­mála­nefnd þings Kanada álit þar sem stjórn Kanada er hvött til að reka úr landi rúss­neska diplómata sem stunda starf­semi sem fellur ekki að hlut­verki þeirra. Þetta er al­mennt orðað og getur náð til margs.

Laugar­daginn 18. febrúar á­kvað hollenska ríkis­stjórnin að reka nokkra rúss­neska diplómata úr landi vegna í­trekaðra til­rauna Rússa til að koma njósnurum til starfa í Hollandi undir því yfir­skini að um venju­lega sendi­ráðs­menn væri að ræða. Þá á­kváðu Hollendingar að loka ræðis­skrif­stofu sinni í St. Péturs­borg og við­skipta­skrif­stofu Rússa í Amsterdam.

„Hér heyrist hvorki hósti né stuna frá ís­lenskum stjórn­völdum þótt Mik­hail Noskov, sendi­herra Rússa, fari móðgandi orðum um utan­ríkis­ráð­herra Ís­lands og rægi Ís­lendinga og ís­lenskt sam­fé­lag í rúss­neskum fjöl­miðlum,“ skrifar Björn.

„Í til­efni af árs­af­mæli blóðugrar og grimmdar­legrar inn­rásar Rússa í Úkraínu birti Morgun­blaðið mið­viku­daginn 22. febrúar ó­merki­lega á­róðurs­grein eftir þennan rúss­neska sendi­herra. Greinin brýtur ekki að­eins allar reglur blaðsins um lengd að­sendra greina heldur gengur hún harka­lega gegn heil­brigðri skyn­semi les­enda blaðsins. Það er í raun móðgun við þá að dreifa slíkum lygum í þúsundum ein­taka.“

„Daginn áður en greinin birtist í Morgun­blaðinu flutti Pútin tveggja tíma ræðu um sama efni í Moskvu og til að stað­festa hollustu sína við for­setann fær sendi­herrann grein sína birta degi síðar. Er ekki að efa að fyrir þetta fær hann nokkrar stjörnur í kladda sinn í Kreml og hjá njósnurunum þar.

Það væri verðugt að minnast eins árs af­mælis stríðs Rússa með því að skipa sendi­herranum að yfir­gefa Ís­land. Hlut­verk hans er ekki að virða full­veldi Ís­lands heldur að grafa undan því og friði í okkar heims­hluta,“ skrirfa Björn.