Björgvin Páll Gústavsson, markvörður Vals og íslenska landsliðsins í handbolta er leikmaðurinn sem sendi Kristjáni Erni, atvinnu- og landsliðsmanni í handbolta, skilaboð fyrir leik Vals og PAUC í Evrópudeildinni fyrr í vetur.
Björgvin Páll greinir frá sinni hlið í færslu á samfélagsmiðlum, að því er fram kemur í frétt sem birtist á vef Fréttablaðsins nú rétt í þessu.
Kristján Örn segir, í viðtali við Vísi, að leikmaður Vals hafi sent sér niðrandi skilaboð fyrir leik Vals og PAUC í Evrópudeildinni fyrr í vetur. Það gerðist skömmu eftir að Kristján greindi frá því að hann væri að glíma við kulnun.
Kristján Örn spilaði nokkuð óvænt með PAUC gegn Val hér á landi en segir að kvöldið fyrir umræddan leik hafi hann fengið skilaboð frá leikmanni Vals sem hann vill ekki nafngreina.
Nú hefur Björgvin Páll, markvörður Vals og íslenska landsliðsins stigið fram með færslu á samfélagsmiðlum
„Ég er þannig gerður ég vil frekar tala við fólk en um fólk. Það er einmitt þannig sem að skilaboðin mín á Kristján byrjuðu en ég sendi skilaboðin ekki sem Valsari heldur sem liðsfélagi hans úr landsliðinu. Án þess að fara of ítaralega ofan í þessu skilaboð, sem ég hélt að væru okkar á milli, þá var tilgangur þeirra að fá hann til þess að endurhugsa endurkomuna og fá hann til að setja heilsuna í fyrsta sætið.“
Nánar um málið á vef Fréttablaðsins.
