Kafarar hafa náð einum þeirra sem lést í flugslysinu í Ölvusvatnsvík á fimmtudag upp úr Þingvallavatni og eru nú á leið til lands að sögn sjónarvotta. Afar erfiðar aðstæður er á staðnum, mikið frost og ísmyndun á vatninu. Þetta kemur fram í frétt Fréttablaðsins.
Myndin hér að ofan er frá undirbúningi aðgerða fyrr í dag.
Fréttablaðið greindi frá því skömmu eftir hádegi að kafarar væru farnir að undirbúa köfun í Þingvallavatni eftir að fresta þurfti aðgerðum í morgun vegna aðstæðna en mikið krap er á vatninu.
Umfangsmikilar aðgerðir hafa staðið yfir við vatnið undanfarna daga, en það er flókin aðgerð að sækja lík mannanna sem létust í flugslysinu fyrir helgi.
Þegar því verki er lokið verður reynt að ná flaki vélarinnar upp líka.
