Bjarni Benediktsson, fjármálaráðherra, segir ísamtali við Vísiað það skjóti skökku við að nýstofnaðir stjórnmálaflokkar búi yfir tugmilljóna sjóðum sem eru komnir til vegna framlaga úr ríkissjóði.
„Mér finnst við hafa gengið þó nokkuð langt í beinum fjárhagslegum stuðningi við stjórnmálaflokka. Spegilmynd þess er aftur sú að við göngum nokkuð langt í að takmarka heimildir flokkanna til að fjármagna sig af eigin rammleik,“ segir Bjarni í svari við fyrirspurn Vísis.
Bjarni segir þetta eiga bæði við um framlög frá einstaklingum, flokksfólki eða fyrirtækjum.
Samkvæmt lögum um starfsemi stjórnmálaflokka mega þeir ekki taka á móti hærri framlögum frá lögaðilum en 550.000 krónum á ári.
„Ég hef ekki framkvæmt neina rannsókn á því nákvæmlega hvað þetta hefur haft í för með sér en hef hins vegar tekið eftir því tiltölulega nýstofnaðir flokkar hafa búið að tugmilljóna sjóðum. Þá vekur einnig athygli hve ríflegur stuðningur er við stjórnmálaflokka sem engan fulltrúa fá kjörinn á Alþingi í kosningum,“ segir Bjarni við Vísi.
Í síðustu Alþingiskosningum var Sósíalistaflokkurinn sá eini sem náði meira en 2,5% viðmiðinu og fær því árlega fé úr ríkissjóði án þess að hafa neinn kjörinn mann á Alþingi.
Bjarni segir það í sjálfu sér ekki vandamál að fólk eigi auðvelt með að stofna stjórnmálaflokka og láta í sér heyra, enda eðlilegur hluti af því að framkvæma lýðræðið í landinu.
Því eru hins vegar mörk sett hve langt á að ganga í að verja úr sameiginlegum sjóðum, af skattfé landsmanna, til þess að halda slíkri starfsemi úti,“ egir Bjarni.
Hægt er að lesa frétt Vísis í heild sinni hér.
