Stjórnmálafræðingurinn Bjarni Þór Pétursson segir að orðið „þrjóskubandalag“ sé frábært orð. Orðið notaði Hildur Björnsdóttir, oddviti Sjálfstæðisflokksins í borginni í gær um bandalag Samfylkingar, Pírata og Viðreisnar.
Bjarni segir hinsvegar að orðið sé fullkomið til að lýsa Sjálfstæðisflokknum. „Flokki tveggja fylkinga sem eiga ekkert sameiginlegt annað en völd og hefðir. Flokk sem er óstarfhæfur í borginni og myndi gera öllum greiða með því að skipta sér í tvo flokka,“ skrifar Bjarni á Twitter.
„Í heimi þar sem fólkið í borgarstjórnarfl. Sjálfstæðisflokksins væri að byrja í stjórnmálum, þá færi Hildur sennilega í Viðreisn eða Samfylkingu, Friðjón í Viðreisn eða Samfylkinguna og restin í Miðflokkinn. Og myndu aldrei vilja vinna með restinni. Sannkallað þrjóskubandalag,“ skrifar Bjarni.
Hann bætir við að síðustu: „Afsakið Friðjón færi í Viðreisn eða Framsókn átti þetta að vera. Bið Friðjón afsökunar.“
Þrjóskubandalag er geggjað orð. Eiginlega hið fullkomna orð til að lýsa Sjálfstæðisflokknum. Flokki tveggja fylkinga sem eiga ekkert sameiginlegt annað en völd og hefðir. Flokk sem er óstarfhæfur í borginni og myndi gera öllum greiða með því að skipta sér í tvo flokka. 1/2
— Bjarni Þór Pétursson (@bjarnipeturs) May 23, 2022
