Bjarni: „Það er búið að drepa þetta“ – Öllum verslunum lík­lega lokað

„Það er búið að drepa þetta. Við endur­ráðum ekki þá sem eru á upp­sagnar­fresti og munum segja öllum upp og lokum öllu. Það er ekki annað að gera í stöðunni.“

Þetta segir Bjarni Jóns­son, eig­andi Nor­dic Stor­e-keðjunnar, í sam­tali við Við­skipta­Moggann í dag. Þar kemur fram að út­lit sé fyrir að loka þurfi öllum verslunum keðjunnar nú um mánaða­mótin. Bjarni segir að á­stæðan séu hertar að­gerðir á landa­mærunum en eins og kunnugt er þurfa þeir sem koma til landsins nú að gangast undir tvær skimanir og sótt­kví uns niður­staða úr seinni sýna­töku liggur fyrir.

Nokkrar verslanir Nor­dic Stor­e er að finna í mið­borginni, til dæmis á Lauga­vegi og í Lækjar­götu. Í fréttinni er haft eftir Bjarna að salan undir lok júlí­mánaðar hafi verið 40% af sölunni í fyrra. Nú þegar aftur er búið að herða að­gerðir sé út­lit fyrir að fáir ferða­menn komi til landsins og því sé í raun búið að kippa fótunum undan rekstrinum.