Bjarni ó­sáttur: Ó­trú­leg þrauta­ganga eftir CO­VID-smit – „Hvað myndir þú gera í hans sporum?“

„Við skil­greinum ís­lenskt sam­fé­lag sem vel­ferðar­þjóð­fé­lag, en er það rétt skil­greining?“ Þetta er spurning sem Bjarni Berg­mann at­vinnu­bíl­stjóri skrifar í Morgun­blaðið í dag.

„Vinnu­mála­stofnun hefur borið hitann og þungann af um­sóknum þeirra sem smituðust og var skipað í ein­angrun og þeirra sem misstu at­vinnu að hluta eða öllu leyti vegna af­leiðinga CO­VID-19. Margir hafa enn ekkert fengið eftir þriggja mánaða bið. Sem dæmi má nefna einn sjúk­ling, bíl­stjóra, fjöl­skyldu­mann, tveggja barna föður, sem í ör­væntingu reynir að koma sögu sinni á fram­færi með von um lausn sinna mála,“ segir Bjarni í grein sinni.

Sjúk­lingurinn sem Bjarni nefnir veiktist þann 13. mars síðast­liðinn og greindist með CO­VID-19 þann 18. mars. Hann losnaði úr ein­angrun þann 30. mars en fór aftur í greiningu þann 8. apríl. Þá greindist hann með erfða­efni veirunnar og gert að halda sig frá eldri borgurum og fólki með undir­liggjandi sjúk­dóma í 14 daga.

„Hann fór aftur í greiningu 22. apríl og greindist enn með erfða­efni. Sem fyrr var honum gert að halda sig frá eldra fólki og þeim sem hafa undir­liggjandi sjúk­dóma. Frá því hann veiktist og fram til þessa dags hefur hann ekki fengið krónu í bætur. Hann seldi at­vinnu­bílinn sinn til að eiga fyrir út­gjöldum,“ segir hann.

Hann segir að svörin sem fengust frá Vinnu­mála­stofnun hafi verið á þá leið að fyrst hann er sjúk­lingur eigi hann að fá bætur frá Trygginga­stofnun. „Þar var honum vísað aftur á Vinnu­mála­stofnun sem sagði honum að leita til fé­lags­þjónustu sveitar­fé­lagsins. Þar sem maki hans þénar yfir 330.000 á mánuði reyndist hann ekki eiga rétt á fé­lags­legri að­stoð. Aftur talaði hann við Vinnu­mála­stofnun og var þá bent á að leita til stéttar­fé­lags, en eins og margir ein­yrkjar er hann í fé­lagi sem er að­eins hags­muna­fé­lag en greiðir ekki bætur vegna veikinda.“

Úr varð að hann skráði sig at­vinnu­lausan í byrjun apríl og átti um­sókn hans að fara fyrir fund innan 6-8 vikna. „Nú á hann að fara aftur í greiningu. Hvað myndir þú gera í hans sporum? Er Vinnu­mála­stofnun að stuðla að því að senda veikt fólk með smit­sjúk­dóm út á vinnu­markaðinn? Hann fékk svo það svar í vikunni að hann ætti 25% bóta­rétt frá Vinnu­mála­stofnun sem virðist hafa úr­skurðar­vald um bóta­rétt og beita því nokkuð frjáls­lega. Enginn rök­stuðningur var veittur fyrir þessari á­kvörðun eða upp­lýsingar um á hverju hún byggist,“ segir Bjarni.

Hann endar grein sína á að benda á að æðstu lög lands séu stjórnar­skrá sem öllum ber að virða.

„Þar segir í 76. gr. að tryggja skuli öllum, sem þess þurfa, rétt til að­stoðar vegna sjúk­leika, ör­orku, elli, at­vinnu­leysis, ör­birgðar og sam­bæri­legra at­vika. Vinnu­mála­stofnun verður að hafa þessa grund­vallar­reglu í há­vegum og sjá til þess að enginn fari á mis við þá að­stoð sem al­mennt býðst þeim sem á þurfa að halda.“