Bjarni Bjarnason, forstjóri Orkuveitu Reykjavíkur, fær dágóða launahækkun, eða 370 þúsund krónur á mánuði, eftir að stjórn Orkuveitunnar samþykkti að hækka laun hans. Eru þau nú tæplega 2,9 milljónir króna.
Fréttablaðið skýrir frá þessu í dag.
Þar kemur fram að fyrir hækkunina voru laun hans 2.502.343 krónur en eru nú 2.872.669 krónur. Nemur hækkunin 14,8 prósentum og var hún veitt að undangengnu mati á frammistöðu Bjarna í starfi. Þessu til viðbótar fær Bjarni þriggja milljóna króna eingreiðslu þar sem launin hafi ekki hækkað í tvö ár.
Nánar í Fréttablaðinu í dag.
