Birtist skyndi­lega á svölum ná­granna síns á Ísa­firði

Lög­reglan á Vest­fjörðum hafði hendur í hári manns á mið­viku­dag í síðustu viku, en sá var í annar­legu á­standi og var auk þess ná­grönnum sínum til ama.

Í skeyti lög­reglunnar kemur fram að maðurinn hafi skyndi­lega birst á svölum ná­granna síns á Ísa­firði. Maðurinn sagðist vera læstur úti og þyrfti að komast heim til sín. Maðurinn veittist svo að gest­komandi ein­stak­lingi á sama heimili þegar hann var beðinn um að fara aftur í sína íbúð.

Í til­kynningu lög­reglu um verk­efni liðinnar viku kemur fram að maðurinn hafi ekki hlýtt fyrir­mælum lög­reglu þegar hún kom á vett­vang og hrækti hann meðal annars í átt að lög­reglu­manni. Maðurinn var vistaður í fanga­klefa um nóttina, en að sögn lög­reglu voru aftur höfð af­skipti af honum síðar í vikunni vegna á­reitis við ná­granna sína.