Karlmaður sem birtist allsnakinn í Allir úr- auglýsingu Nova telur á sér brotið enn hann segist hafa varið fullvissaður um að hann myndi ekki sjást koma nakinn fram. Þetta kemur fram í frétt Vísi en fjarskiptafyrirtækið Nova harmar þennan misskilning.
Um er að ræða auglýsingu Nova sem vakti mikla athygli á sínum tíma fyrir að vera heldur djörf en fjölmargir venjulegar Íslendingar birtust án klæða í auglýsingunni.
Málið er viðkvæmt og hefur tekið mikið á manninn samkvæmt lögmanni hans sem Vísir ræðir við. Maðurinn heldur því fram að hann hafi fengið skriflegt að hann myndi ekki sjást nakinn á skjánum en svo fór ekki.
Samkvæmt Vísi sækist maðurinn eftir sjö milljónum í bætur. Fjarskiptafyrirtækið Nova sendi frá sér yfirlýsingu vegna málsins en maður einn er ekki að stefna Nova heldur þeim sem gerðu auglýsinguna.
„Nova þykir afar leitt að þátttaka manns, sem ráðinn var til að koma fram í auglýsingu fyrir „Allir úr“-herferðina, hafi valdið honum vanlíðan í kjölfarið. Nova hefur lagt sig fram um að leggja andlegu heilbrigði lið og þegar upplýsingar bárust um málið þá voru gerðar ráðstafanir til að stöðva frekari birtingar á auglýsingunni þar sem maðurinn kom fyrir,“ segir í yfirlýsingu Nova á Vísi.
