Birgitta Jónsdóttir, fyrrum þingmaður og stofnandi pírata, lifir undir fátæktarmörkum.
„Ég er að klára síðasta mánuðinn minn hjá VIRK og fæ um 220.000 krónur í styrk á mánuði. Ég seldi íbúðina og fékk milligjöf sem ég hef notað til að brúa bilið. Ég er samt ekki að svelta,“ segir Birgitta í helgarviðtali við Fréttablaðið.
Hún segist aldrei hafa verið gefin fyrir efnisleg gæði. Hún hafi aldrei átt mikla peninga en eftir að hún steig burt af sjónarsviðinu fyrir nokkrum árum hafi hún eignast mikinn tíma sem hún hafi reynt að nota vel.
