Birgir fær ekki að hitta konuna sína: „Fyrir­vara­laust horfinn úr lífi hennar“

„Ég þekki dæmi þess að fólk sem verið hefur saman í um 70 ár geti ekki lengur hist. Nú fyrir skömmu hringdi í mig grát­klökkur tæp­lega ní­ræður gamall maður sem ekki fær að hitta eigin­konu sína.“

Þetta segir Birgir Guð­jóns­son, fyrr­verandi yfir­læknir á Hrafnistu og fyrr­verandi að­stoðar­prófessor við Yale-há­skóla í Morgun­blaðinu í dag. Birgir hefur að undan­förnu gagn­rýnt heim­sóknar­bann sem er meðal annars í gildi á hjúkrunar- og dvalar­heimilum vegna CO­VID-19 eins og kom fram í grein hans í Frétta­blaðinu á dögunum.

Í Morgun­blaðinu segir hann að tak­marka að­gengi eins á­kveðins hóps standist hvorki læknis­fræði­legar for­sendur né út frá heil­brigðri skyn­semi. „Á sama tíma og allar heim­sóknir eru bannaðar þá hittast aðrir ein­staklingar í þjóð­fé­laginu að vild.“

Birgir er sjálfur að­standandi en hann á konu sem er Alz­heimer­sjúk­lingur og er bundin hjóla­stól. Hann segir að þegar hann kom frá henni þann 6. mars síðast­liðinn hafi verið búið að setja á bann við heim­sóknum.

„Þetta var gert al­gjör­lega fyrir­vara­laust og jafn­framt með þessum harka­lega hætti. Ég skrifaði strax bréf til að koma mót­mælum á fram­færi enda stenst það ekki læknis­fræði­lega skoðun né heil­brigða skyn­semi að tak­marka að­gengi á­kveðins hóps á meðan starfs­fólk gengur inn og út,“ segir Birgir við Morgun­blaðið.

Hann er mjög ó­sáttur vegna málsins en hann og eigin­kona hans hafa verið lífs­föru­nautar til 60 ára.

„Ég er síðan fyrir­vara­laust horfinn úr hennar lífi, án nokkurs sam­ráðs eða undir­búnings. Í okkar til­felli er þetta við­ráðan­legt þar sem ég get talað við hana í síma, en maður hefði viljað fá tíma til að undir­búa þetta. Ég hef í­trekað reynt að koma þessum sjónar­miðum á fram­færi án árangurs,“ segir hann í umfjöllun Morgunblaðsins.