Innrás Rússa í Úkraínu er að reynast Rússum erfiðari en þeir áttu von á. Rússlandsher er að missa bæði meiri mannafla á vígstöðvunum en von var á, auk þess sem meira gengur á vopn þeirra en búist var við.
Þá hafa aðrir erfiðleikar bæst við eins og í tilfelli tveggja Rússa sem urðu bensínlausir á ferð sinni inn í Úkraínu. Myndir af þeim og sögunni hefur verið deilt víða á samfélagsmiðlum, en hana ritar úkraínskur fréttaritari.
„Þessir tveir rússnesku bjánar í Shevchenkove, Kharkiv héraði, urðu bensínlausir. Og gettu hvað þeir gerðu,“ segir í frásögninni.
„Þeir mættu inn á lögreglustöð í Úkraínu… Og spurðu hvort þeir mættu fá smá bensín.“
Frásögnin hefur vakið mikla athygli en báðir Rússarnir eru nú í haldi úkraínsku lögreglunnar.
AaAAAaAAaAAaaaaaaaaAAAAAAA!!!!
— Illia Ponomarenko (@IAPonomarenko) February 27, 2022
These two Russian idiots in Shevchenkove, Kharkiv oblast, had their vehicle sputtered out.
Guess what they did?
They came to a local Ukrainian police station.
And asked if they could have some fuel. pic.twitter.com/HmaUNORQL3
