Bene­dikt greip um and­litið: „Ás­geir, Ás­geir, Ás­geir. Svona segir maður ekki“

Bene­dikt Jóhannes­son, stærð­fræðingur og stofnandi Við­reisnar, segir að það hafi verið skyn­sam­legt hjá Ás­geiri Jóns­syni seðla­banka­stjóra að vekja máls á Sunda­braut á opnum fjar­fundi efna­hags- og við­skipta­nefndar Al­þingis á dögunum.

Bene­dikt skrifar pistil um mál­efni Sunda­brautar í Morgun­blaðið í dag og rifjar upp um­mæli Ás­geirs sem vöktu tölu­verða at­hygli.

„Seðla­banka­stjóri hóf upp raust sína svo eftir var tekið. Í þetta sinn síður en svo um gjald­eyri, banka eða peninga­mál. Nei, banka­stjórinn sagði orð­rétt, að sögn vef­miðla: „Mér finnst alveg stór­undar­legt og á­mælis­vert að Sunda­braut hafi ekki verið byggð miðað við þá um­ferð sem er í bænum.“

Bene­dikt lýsir við­brögðum sínum í kjöl­farið: „Þegar ég heyrði þetta greip ég um and­litið og hugsaði: „Ás­geir, Ás­geir, Ás­geir. Svona segir maður ekki. Allra síst mikils metinn borgari í þinni stöðu.“

Bene­dikt bendir á að þing­maður Pírata hafi verið ó­sáttur við um­mæli banka­stjórans og talið þau galin. „Hann tekur því mun dýpra í árinni en ég.“

Bene­dikt tekur fram að hann telur að Sunda­braut sé hið besta mál og það hefði fyrir löngu átt að leggja hana. Hann bendir á að Sunda­braut hafi verið eitt af kosninga­málunum fyrir borgar­stjórnar­kosningarnar 2006, en væntan­legir borgar­full­trúar deilt um fjár­mögnun, stað­setningu og á­fanga­skiptingu verksins. Þannig hafi Dagur B. Eggerts­son sett fram þá mála­miðlun að helminga brautina og hún yrði ein­breið alla leið. Sú lausn hafi fallið í grýttan jarð­veg.

Einn fram­bjóðandi, Dagur B. Eggerts­son, setti fram þá mála­miðlun að helminga brautina, hún yrði sem sé ein­breið alla leið. Sú lausn féll í grýttan jarð­veg

„Brautin um­þrætta á að byrja ein­hvers staðar á bilinu frá Gelgju­tanga að Klepps­vík í Reykja­vík. Hún á svo að liggja um Gufu­nes, Mos­fells­bæ og alla leið upp á Kjalar­nes. Enginn hefur tekið af skarið og byrjað á verkinu, en árið 2006 var á­ætlun Vega­gerðarinnar að verkinu yrði lokið árið 2011. Síðan eru liðin mörg ár og verkið hefur lítið nálgast byrjunar­reit.“

Bene­dikt rifjar upp að Reykja­víkur­borg hafi keypt Við­ey árið 1983 og Davíð Odds­son, þá­verandi borgar­stjóri, getið þess að þar gæti orðið fram­tíðar­byggð.

„Í blaðinu sem hann stýrir nú sagði þá: „Frá Gufu­nesi væru að­eins 650 metrar út í eyjuna og talið væri að gera mætti aksturs­leið mestan hluta leiðarinnar.“ Skýringin á því að ekki hafi orðið af þeim fram­kvæmdum kann að vera sú að slíkur vegar­hluti, á­leiðis út í Við­ey, myndi jafn­vel nýtast verr en ein­breiði vegurinn upp á Kjalar­nes sem nú­verandi borgar­stjóri lagði til.“

Bene­dikt endar grein sína á þeim orðum að stjórn­mála­menn líti margir á vega­gerð sem at­vinnu­bót í kreppu. Þeir gætu því talið báða kostina, Við­eyjar- og Sunda­braut, á­lit­lega.

„En at­vinnu­sköpun er slæm á­stæða til fjár­festinga. Í Við­ey eru í­búar vand­fundnir, en fimm tugir þúsunda búa í norður­byggðum Reykja­víkur og Mos­fells­bæ. Hjá þessum hópi eru einn til tveir tímar á viku, sem sparast við greiðari um­ferð, milljarða verð­mæti fyrir sam­fé­lagið og auka lífs­gæði í­búanna. Þess vegna er ekki galið að leggja Sunda­braut og skyn­sam­legt hjá Ás­geiri að vekja máls á henni.“