Samfélagsmiðla-og poppstjarnan Bassi Maraj tók Bjarna Benediktsson, fjármálaráðherra, í bakaríið á samfélagsmiðlinum Twitter í gærkvöldi svo eftir var tekið.
Þar skrifaði Bassi, sem nýverið gaf út eitt vinsælasta lag ársins og hefur slegið í gegn í þáttunum Æði á Stöð 2+, að hann væri svo hugmyndaríkur að hann ætti að gera hugmyndir fyrir Sjálfstæðisflokkinn. Tístið birti Bassi um sexleytið og rúmum fjórum tímum síðar svaraði Bjarni honum.
„Allar hugmyndir vel þegnar,“ skrifaði Bjarni og vakti tístið heilmikla athygli. 200 manns brugðust við tístinu. Rúmlega klukkustund síðar svaraði Bassi Bjarna og það er óhætt að segja að hann hafi tekið hann í bakaríið.
„Hér er hugmynd... hvar er nýja stjórnaskràinn? With ya dumb ass face you aint eating but i swear u got some bum ass taste !? Og hvernig væri að redda mér reikning í panama with your scammin ass allavegana nota peninginn sem þú ert að scama i að kaupa handa mer burkin,“ skrifar Bassi og lætur broskall fylgja.
Rúmlega 700 manns brugðust við tísti Bassa og sló það að því er virðist í gegn á forritinu. Hann lét stuttu síðar annað fylgja hinu í svari til Bjarna: „Og loka landinu gleymdu þessum Reykjavík excursions tourist money yabish.“
Óhætt er að segja að svör Bassa séu umtöluð. Einn netverja skrifar: „Bassa Maraj tókst að sinna öflugri stjórnarandstöðu á korteri en fimm stjórnmálaflokkum í stjórnarandstöðu á heilu kjörtímabili.“
Allar hugmyndir vel þegnar.
— Bjarni Benediktsson (@Bjarni_Ben) March 25, 2021
Hér er hugmynd... hvar er nýja stjórnaskràinn? With ya dumb ass face you aint eating but i swear u got some bum ass taste !? Og hvernig væri að redda mér reikning í panama with your scammin ass allavegana nota peninginn sem þú ert að scama i að kaupa handa mer burkin 😏
— bassi maraj (@bassimaraj) March 25, 2021
Og loka landinu gleymdu þessum Reykjavík excursions tourist money yabish
— bassi maraj (@bassimaraj) March 25, 2021
Þetta er meiri skellur á Bjarna en Ásmundarsalsmálið.
— Jón Bjarni (@jonbjarni14) March 25, 2021
