Bæjar­stjóri Ár­borgar með CO­VID-19: „Sá ís­lendingur sem dreifir smiti hefur enga af­sökun“

Gísli Hall­dór Hall­dórs­son, bæjar­stjóri Ár­borgar, greindist með CO­VID-19 smit í síðustu viku. Gísli hvetur lands­menn til að fara að fyrir­mælum yfir­valda sem miða að því að tak­marka út­breiðslu veirunnar. Sjálfur er hann í hæsta á­hættu­flokki vegna undir­liggjandi þátta.

Gísli greinir frá þessu í pistli sem birtist á vef Vísis nú í há­deginu.

„Síminn hringdi rétt fyrir há­degi, 18. mars. Sýnið frá deginum áður reyndist já­kvætt og ég þar af leiðandi með Co­vid-19. Læknir á Land­spítalanum ræddi við mig dá­góða stund og lagði mat á stöðuna. Hann upp­lýsti svo að ég væri metinn í hæsta á­hættu­flokki, af þremur, vegna undir­liggjandi þátta.“

Gísli kveðst þakk­látur ís­lensku heil­brigðis­kerfi og sér­stak­lega ís­lensku heil­brigðis­starfs­fólki.

„Ef allt færi á versta veg þá er enn­þá nóg pláss á Lands­spítalanum – og lausar öndunar­vélar. Guði sé lof fyrir það! Vonandi tekst land­lækni, sótt­varna­lækni og al­manna­vörnum að halda því þannig – með að­stoð al­mennings. Nú þarf nefni­lega al­menning til að halda heil­brigðis­kerfinu í topp­standi.“

Gísli minnir svo á að það hversu bráð­smitandi veiran er. Máli sínu til stuðnings nefnir hann dæmi af 33 ára Þjóð­verja sem fundaði með við­skipta­konu frá Shang­hai dagana 20. og 21. janúar. Maðurinn veiktist 24. janúar, fékk háan hita, en hélt svo til vinnu 27. janúar. Konan veiktist í flug­vélinni á leiðinni heim og greindist með CO­VID-19 þann 26. Janúar. Maðurinn var þá kallaður til rann­sókna í Munchen þann 27. janúar þar sem hann greindist já­kvæður.

„Þann 3. mars síðast­liðinn var hægt að rekja, með erfða­rann­sóknum, megnið af öllum til­fellum í Evrópu til ofan­greinds at­burðar, þar á meðal þau 3000 til­felli sem þá voru á Ítalíu – frá einu smiti! Þann 20. mars höfðu verið greind 47.021 smit á Ítalíu og 4.032 dauðs­föll. Fólkið hér að ofan var al­ger­lega grun­laust á fundum sínum og gat engan veginn varað sig, ekki verður sakast við þau.

Sá Ís­lendingur sem dreifir smiti, vitandi að hann ætti að vera í sótt­kví, eða fer ó­var­lega og gegn fyrir­mælum yfir­valda, hefur enga af­sökun. Sá hinn sami gæti leitt af sér 1.000 smit – og e.t.v. 7 dauðs­föll. Eitt þessara dauðs­falla gæti verið bróðir, afi eða móðir. Það er eins lík­legt að hann muni aldrei heyra um sinn þátt í því.“

Gísli er á tíunda degi veikindanna og hefur hann verið þokka­lega hress lengst af. Hann segir að gær­dagurinn hafi þó verið erfiður og var hann ör­magna í gær­kvöldi. Hann er þó skárri í dag og reiknar með að geta farið aftur úr húsi í apríl­mánuði.

„Betur búinn til að takast á við stór verk­efni og að búa til betri heim með ykkur hinum.“

Hér má lesa pistil Gísla í heild sinni.