Óhætt er að segja að ummæli Ásthildar Sturludóttur, bæjarstjóra Akureyrar, í kvöldfréttum RÚV í kvöld hafi vakið athygli.
Þar sagði hún að Akureyringar fylgi reglum og þess vegna sé svona lítið um smit norðan heiða. Ásthildur hvatti einnig íbúa höfuðborgarsvæðisins til að halda sig fjarri landsbyggðinni og þeim svæðum þar sem smit eru fá.
Ásthildur hefur vissulega nokkuð til síns máls enda greindust 95 af þeim 99 smitum sem upp komu í gær á höfuðborgarsvæðinu. Hafa sérstakar reglur nú tekið gildi fyrir höfuðborgarsvæðið og munu þær gilda næsta hálfa mánuðinn.
Þá eru 640 einstaklingar nú í einangrun á höfuðborgarsvæðinu, en á Norðurlandi eystra eru einungis þrír í einangrun.
Ásthildur biðlaði til íbúa á höfuðborgarsvæðinu að fara ekki út á land þar sem lítið er um smit. Hún sagði eðlilegt að grípa til harðari aðgerða á höfuðborgarsvæðinu og hugsanlega hefði mátt gera það fyrr. Ásthildur sagði að Akureyringar fylgi reglum og það sé ástæða fyrir því að faraldurinn hafi ekki leikið Akureyringa verr en hann hefur gert hingað til.
Þessi ummæli Ásthildar hafa farið öfugt ofan í marga eins og sjá má hér að neðan.
Við Akureyringar í hnotskurn! Betri en aðrir að veikjast ekki og svo hötum við fólk. #þérerekkiboðið #akureyri https://t.co/pCwNipEbaQ
— Alfa Jóhannsdóttir (@alfadrofn) October 6, 2020
Akureyringurinn ég á mjög erfitt með að skrolla í gengum forritið í kvöld. Ég bara elska Akureyri svo mikið 😓
— Heiða Hlín (@heidahlin) October 6, 2020
Pælið í að bæjarstjóri Akureyrar hafi mætt í sjónvarpsviðtal og sagt að Akureyringar séu betri en aðrir í því að passa sig á veirusmitum og fylgja reglum.
— Haukur Bragason (@HaukurBragason) October 6, 2020
Akureyringar eru sko bestir...í að verða ekki lasnir. Langbestir. https://t.co/PXFY4BahA1
— Þórður S. Júlíusson (@thordursnaer) October 6, 2020
Ef það kemur upp smit á Akureyri, verður það alveg pottþétt einhver óhreinn aðkomumaður. Alveg pottþétt.
— R. Mutt (@skarist) October 6, 2020
Ætli ástæðan fyrir því að ég hef ekki fengið covid hér í ósómanum sé af því að ég bjó svo lengi á Akureyri og kann þess vegna að passa mig 🤔nei bara svona pæling...... #þriðjabylgjan #COVID19 #verumbarasamaníliði
— Helga Ólöf (@helgaolof) October 6, 2020
Gjörsamlega taktlaus bæjarstjóri á Akureyri í kvöldfréttum
— Jóhann Atli Hafliðas (@johann_atli) October 6, 2020
Jæja Akureyri - ég er á leiðinni.
— Sveinn Birkir (@sveinnbirkir) October 6, 2020
Ég vildi að ég væri jafn fullkomin og bæjarstjórinn á Akureyri segir Akureyringa vera.
— Rósa Björk Gunnarsdóttir (@vidimelur) October 6, 2020
Þoli ekki svona yfirlæti!
— Rakel Lúðvíksdóttir (@lu_rakel) October 6, 2020
„Það er ástæða fyrir því að hér er lítið um smit. Fólk fer mjög varlega. Akureyringar fylgja reglum. Og það er ástæða fyrir því að faraldurinn hefur ekki leikið okkur verr en hann hefur gert hingað til,“ segir Ásthildur bæjarstjóri Akureyrar.
