Andri Steinn Hilmarsson, bæjarfulltrúi Sjálfstæðisflokksins í Kópavogi, hefur heldur betur slegið í gegn á Facebook eftir að hann birti óvart stöðuuppfærslu á Facebook sem átti að fara á lokaðan húsfélagshóp.
„Vatnið fer ekki af í kvöld heldur annað kvöld klukkan 20.30. Það verður síðasta skipti sem ég þarf að taka það af. Water goes off tomorrow around 20.30. Thank you,“ skrifaði Andri Steinn á Facebook síðuna sína.
Margir undruðu sig á hvað Andri var að meina með þessari stöðuuppfærslu. Hann er bæjarfulltrúi í Kópavogi og veltu einhverjir fyrir sér hvort hann ætlaði einfaldlega að taka vatnið af Kópavogsbæ.
„Af bænum þá?“ spurði Ólafur Ásgeir í athugasemd undir færslunni.
„Gott að vita, fer þà í heitt bað í kvöld,“ skrifaði Friðdóra Kristinsdóttir.
Jakob Helgi virðist hafa áttað sig á hvað væri í gangi: „Haha þetta er ein leið til láta húsfélagið og alþjóð vita að þú sért í framkvæmdum!.
Andri virðist hafa áttað sig á mistökunum þarna og skrifaði:
„Jæja þá er þetta endanlega búið hjá mér. Fyrst gráu hárin og nú þetta.“
Það er óhætt að segja að færslan hafi slegið í gegn og margir skemmt sér yfir þessum mistökum hjá bæjarfulltrúanum.
