Atli Óskar splæsir trúða­bros­köllum við gamlar full­yrðingar forstjóra Lyfjastofnunar

Leikarinn Atli Óskar Fjalars­son rifjar upp frétt á Face­book síðu sinni frá því þann 2. desember síðast­liðinn þar sem Rúna Hauks­dóttir Hvann­berg, for­stjóri Lyfja­stofnunar, segist telja það raun­hæfan mögu­leika að allir Ís­lendingar verði bólu­settir í janúar.

Þær stað­hæfingar hafa aug­ljós­lega ekki ræst en fram kemur á upp­lýsinga­vef al­manna­varna að einungis 4820 manns hafa lokið bólu­setningu nú í upp­hafi febrúar. Ljóst er að það er ná­kvæm­lega það sem Atli vill vekja at­hygli á, en hann lætur trúða­bros­kalla fylgja færslunni.

Í frétt Stöðvar 2 sem Atli deilir, segist Rúna auk þess búast við bólu­setningu fyrir alla þjóðina í einu lagi. Það hefur aug­ljós­lega ekki komið á daginn. „Þetta er vand­með­farið, sér­stak­lega Pfizer-bólu­efnið,“ sagði Rúna. „Þetta er nú ekki stór markaður á Ís­landi og það er gert ráð fyrir að þau komi í einu lagi. Það ein­faldar í rauninni margt og sér­stak­lega þegar flutningur er með þessum hætti.“

Atli spyr því næst í færslunni sinni, að neðan: „Myndi svona stjarn­fræði­leg van­hæfni ekki krefjast af­sagnar?“ Hörður Sigurðar­son nokkur tekur undir með Atla að um­mælin séu ekkert sér­stak­lega traust­vekjandi nú. Hann segir spurning hver hafi lofað upp í ermina á sér og hver lét blekkjast og endur­tekið fabúleringarnar.

Þá svarar Atli: „Lok nóvember og byrjun des var al­gjör fjöl­miðlasirkus þar sem ráða­menn og annað em­bættis­fólk tróðst yfir hvort annað með lof­orð um grænna gras hinu megin við ára­mótin. Flest af því var gjör­sam­lega inni­stæðu­laust og það versta var hel­ber lygi.“