Fjölmiðlakonan og rithöfundurinn Júlía Margrét Einarsdóttir greinir frá heldur skondnu atviki á skrifstofu RÚV í dag er Atli Fannar Bjarkason verkefnastjóri vefútgáfu hjá RÚV ákvað að grínast í henni.
„Atli Fannar, sessunautur minn í vinnunni til margra ára og grínari, ákvað að hressa upp á stemmarann á RÚV í dag með því að kveikja á prumpuappi í símanum sínum og setja á fúllblast, Stilla honum svo upp við stólinn minn og láta sem ekkert væri,“ skrifar Júlía
„Svo á meðan ég sat einbeitt og horfði alvarleg á tölvuskjáinn að skrifa menningargreinar með heyrnartól á mér, bárust fjölmörg brútal blaut prumpuhljóð frá mér fyrir alla sem áttu leið hjá í góðar tuttugu mínútur látlaust,“ bætir hún.
Hún segir að þetta efur ábyggilega vakið mikinn viðbjóð, jafnvel óhug og áhyggjur af meltingunni hjá sér á meðal samstarfsfólks áður en hún spyr: „Hvernig á ég að hefna mín?“
Atli Fannar svarar fyrir sig í athugasemd og segir þetta nú ekki alveg rétt hjá Júlíu.
„Ég vil taka fram að tónhæð hljóðanna var afar látlaus. Þá voru alls ekki öll prumpuhljóðin blaut — þvert á móti, þá voru í mesta lagi 20 til 30 prósent hljóðanna blaut eða meðalblaut. Og það gengu ekki margir framhjá í þessar rétt rúmlega 20 mínútur sem þessi hljóð voru í gangi. Og svipurinn á þeim var meira í ætt við samúð en hrylling. Þannig að þetta var alls ekki eins slæmt og Júlía lýsir,“ skrifar Atli.
