„Hryllilegt að lesa frásagnir þessara kvenna í gærkvöldi og stór hluti viðbragðanna eru nýr lágpunktur. Ég trúi þeim og vona að réttlætinu verði fullnægt,“ segir Atli Fannar Bjarkason, verkefnastjóri vefútgáfu og samfélagsmiðla á RÚV, á Twitter-síðu sinni.
Margir hafa tjáð sig um mál fjölmiðlamannsins Sölva Tryggvasonar á Twitter eftir að greint var frá því að tvær konur hefðu kært hann til lögreglu vegna meints ofbeldis.
Önnur konan hefur kært Sölva fyrir líkamsárás en kveðst hafa orðið fyrir kynferðisofbeldi í fyrrasumar. Fréttablaðið greindi frá málinu í gær og vísaði í yfirlýsingu frá lögmanni kvennanna, Kristrúnu Elsu Harðardóttur.
Margar konur hafa stigið fram á Twitter og greint frá ofbeldi sem þær hafa orðið fyrir. Hér að neðan má sjá brot af umræðunni á Twitter og ljóst að um mikið tilfinningamál er að ræða hjá mörgum.
Hryllilegt að lesa frásagnir þessara kvenna í gærkvöldi og stór hluti viðbragðanna eru nýr lágpunktur. Ég trúi þeim og vona að réttlætinu verði fullnægt.
— Atli Fannar (@atlifannar) May 6, 2021
Það sem situr mest í mér eftir seinustu daga er, hvers vegna er það svona ógeðslega sjaldgæft að karlar taki opinbera & skýra afstöðu þar sem þeir fordæma kynferðisofbeldi?
— Sólborg Guðbrands (@solborgg) May 6, 2021
Ég held þið áttið ykkur ekki á því strákar hversu miklu máli það skiptir. Það dugar ekki að vera í felum.
Sjokkerandi margir sem pæla aldrei í ofbeldi gagnvart konum nema þegar þeir halda að einhver sé að ljúga til um það
— Sylvía Hall (@sylviaahall) May 5, 2021
Ég hef ekki lengur tölu á konunum í kringum mig sem eru í áfalli eða áfallastreitukasti vegna heygafflahersins sem er núna að heilgrilla þolendur á báli. Umræðan og hegðun fólks er að skaða hundruð, þúsundir þolenda sem ýmist hafa kært sína gerendur eða þora því nú síður en áður.
— Sæunn I. Marinós (@saeunnim) May 5, 2021
Ofbeldi er aldrei réttlætanlegt!
— Gisli Olafsson (@gislio) May 6, 2021
Þöggun er aldrei réttlætanleg!
Ég trúi og styð þolendur því ég hef séð með fyrstu hendi hversu alvarlegar afleiðingarnar eru og hversu erfið baráttan er.
Við þurfum að bæta það hvernig tekið er á þessum málum í kerfinu og styðja betur brotaþola!
Ef ég heyri einu sinni enn sagt ,,rétt væri að rekja þetta fyrir dómstólum" fer ég að gráta.
— Laufey Ebba (@Laufeyebba) May 6, 2021
Vitið þið tölfræðina? Vitið þið upplifunina að vera beitt ofbeldi? SÍÐASTA sem mann langar að gera er að endurupplifa, vera rengdur og málin svo látin niður falla.
Ég hef bara aldrei orðið vitni að jafn rætinni herferð gegn þolanda.
— edda falak (@eddafalak) May 5, 2021
"Þessar konur verða að passa hvað þær segja. Það er ekki búið að sakfella manninn."
— 𝕰𝖌𝖎𝖑𝖑 𝕳𝖆𝖗𝖉𝖆𝖗 (@egillhardar) May 6, 2021
Einmitt. En hafandi fengið innsýn í daglegt kynbundið áreiti sem konur þurfa að þola, mótlæti kyns síns vegna og hversu oft þær eru hlutgerðar þá skil ég viðbrögð þeirra og reiði mjög vel.
